廸士尼黑色世界

阿哥俾咗兩張廸士尼黑色世界既飛我。所以我就約咗Cherry 一齊去啦！星期六行咗十幾個鐘，抖咗大半日，隻腳都幾攰，不過仲頂到！6點左右我哋就去到廸士尼。

Cherry 係第一次去，而我雖然係去過，但係我係三萬人試玩嗰日，唸起都有陰影。入到去雖然多人，不過都算ok。係嗰條美國大街，已經有d鬼出沒。不過唔似 Ocean Park 行出嚟嚇你。可能廸士尼太多小朋友，喊晒就唔掂啦！所以佢哋只係企係燈柱同假舖頭門口，作有限度既驚嚇！

我哋一開始居然唔係玩鬼先。我哋去咗玩Space Mountain，排咗一陣就有得玩，仲要坐最前添！Cherry又驚，但又要玩，坐係隔離聽佢狂叫都幾好笑。玩完就去小小世界，當年去法國玩呢個好開 心，其實唔知點解。但點佢都係Disney 既特式。玩完就玩小熊維尼啦！要坐係蜜糖車，但唔明點解跳跳虎狂跳，令到架蜜糖車去嗰位勁chok！辛苦死！

玩完就再過森林之旅嗰邊，唔知咩河流，坐船睇假象。跟住想去樹屋，但發現有間鬼屋，所以玩咗d黑色世界地方先。當初以為係聽吓鬼故之類，點知好似Ocean Park 咁，自己行，跟住仲有鬼嚇你。咁啱我哋仲要係最後嗰個，好驚俾人係後面嚇啊！撞鬼！

玩完已經9點，即刻出去睇返城堡放煙花啦！其實我覺得Disney 最正係放煙花呢part！其他遊戲都好悶，要保持住好勁既純真，先可以玩得開心。

睇完煙花，就去行嗰間真係超級霹靂無聊既樹屋。跟住我哋就玩埋另一間鬼屋，估唔到今次變咗第一，仲驚，要行先！好在有個位行錯路，然後入lift，跟住就 唔係行第一，睇住前面好驚嗰4條女，當堂定晒！有咩一定嚇咗佢哋先啦！其實問心，d鬼屋對比Ocean Park真係差好遠，呢d可以形容為流！好在唔駛錢，總算嚟過下就算啦！

玩埋鬼屋，睇咗d 紀念品， 十點鐘就走啦！雙腳企得多好攰，要返屋企休息啦！

感謝 vi老篤日記 提供以上資料

vi老篤日記的個人網誌: http://vivi-1212.blogspot.hk/