今日又要開始十幾個鐘既行山旅程。星期六下晝約係西貢起行。三點鐘已經去到北潭坳，又係一段超級樓梯，行咗三次都覺得佢恐佈。其實衰D講，段段都恐佈，無一段易，都唔明點解搵D咁既嘢攪！
今日上山，雖然已經避過最曬既時間，不過太陽仍然係好猛。都唔知到時最曬既時間係行緊西灣同草山係點算。不過已經覺得好咗好多。再一次上到雞公山，太陽還
未落山，終於可以望吓遠處既景色。但係當日都好大煙霞，影相唔係好靚，但望見日落中既金黄色雲霞，感覺又好唔同。今次又係以好快既速度落山(自已覺得
姐！）不過又係欠最後個一個字天都黑晒睇唔到路。但係頂埋佢，完咗呢段先唸住用頭燈。
![]()
雖然今日唔曬，但唔知點解都會頭痛，照計都唔係行得好急姐。不過一起行，個人急緊又唔覺，只係停底先覺得痛！但第四段行時已天黑，梱住頭燈又真係好難頂。
行完第三段接住第四段原來真係想死。我哋一路都無試過。點知再上山，大家D小腿大脾都覺得超攰。簡直係“懶吓懶吓”咁上山！仲要覺得點解行極都未到基維爾
營。只係見到前面不停都係高山。今日我預備咗ipod 同speaker
一路行一路聽！問我，我可能當自己係去卡拉OK，所以個人係醒D，但阿哥今日出其眼瞓，佢好似中咗幾次，聽到差錯腳既聲。Jonah係後面就狂問駛唔駛抖
吓，可能佢睇到阿哥好似飲醉酒咁行啦！
好辛苦懶到基維爾營，已經係夜晚十一點幾。抖咗一陣，跟住行去飛鵝山啦！行多一個鐘，終於可以滙合Wendy朋友。係獅子亭佢哋食咗麥記外賣，我就知自己頭痛，所以無order。但係間士多仲有人，佢居然賣咗罐冰凍可樂俾我，正！阿哥就係度瞓咗一陣。我哋抖完又上山啦！
再一次行獅子山，可能西貢既路真係太甘，已經唔覺係一回事啦！
同埋係獅子亭抖咗，我隻腳已經無咁攰。又食埋頭痛藥，所以成個人已經醒晒lu。所以一路行，其實我係好想大聲高歌。不過又覺得佢哋覺得我白痴，我先無做。
去到最後一段落樓梯到大埔道。Jonah 隻腳好唔得，佢膝頭勁痛，所以去到大埔道，我哋決定唔行，搭的士走啦！
唔好話個人無電，其實連我嗰電話同後備電都無啦！所以唔可以計足時間。實質我哋行到4：38分。應該行咗32公里左右。都算係咁啦！不過唔夠一個月時間，我哋4個各自有自己問題，我哋都應該要攪攪佢。
