今個星期真係偷懶唔行山，首先Lucy 話要養足精神入去睇賈寶玉，唔係真係可能會瞓著。第二，部電話唔知仲咩short short
地。無端端係星期四換完電，開返之後所有apps都開唔到，唔知攪咩！要從頭reset過部機。到reset
完update埋，居然又怪怪地，成日幫我d
apps移位，所以咪唸住星期六攞部機去整lor。不過最後都整唔到，又要我放低部機一日，又要等鬼咁耐，成嗰維修中心都係人，所以放棄咗！領願自己
reset 多一次吧！
星期日睇下晝場既賈寶玉，唔知係唔係加場同埋日場既關係，唔係見到好多男男同女女既去睇wor，當然點都有，只係少！而坐我哋附近，基本上係全女多！今次
同阿心去睇，估唔到佢對舞台劇係有d要求，真係估唔到！佢居然唔睇平飛，所以我哋係買最貴，仲要幾中間，嗰位望台一流，不過望左右既字幕就差d！
一開場，應該話燈都未熄就開場啦！十二金釵就係度狂講故事，又國語又粵語，又快加上睇唔到字幕，真係聽唔切佢講咩！只係聽到「再之前呢」。其實知佢係講返紅褸夢個故事，不過實在太快，唔記得重點係邊d。但套劇其實就係跟住佢講嗰d繼續落啦！
何韻詩一出場著晒成身白衫白褲，件褸真係超型同超靚。呢個紅褸夢雖然故事一樣，但係時裝衫。問心我睇咗三次都睇唔完紅褸夢本書，真係唔知佢中間有d仲
咩！12條女係度走嚟走去，有時講嘢又勁快，真係唔係好跟得到。同埋唔知點解有時會係三個人做緊同一個角色(睇字幕先知)，雖然好少，不過有時真係跟甩
咗！同埋睇咗成兩個鐘先中場休息，好長啊！
中場休息既前後係最悶，可能中段位啦！不過尾段又嚟得好快。好似晴雯死咁，係講講吓佢病補衫，跟住就去到豬欄死鬼咗，跳得超快！同埋賈寶玉結婚，由薜寶釵
轉咗去林黛玉，攪咩啊！仲要講一輪話應該唔係你啊，我哋應該要等死咗先一齊，而家唔可以。我心唸，如果你想改，更加應該講佢哋而家就一齊，咁愛，返而見到
由寶釵換咗黛玉點解會咁唔開心。係完全想像唔到。
最後我想講，下半場何韻詩嗰頭蠟得太勁，真係要做仔一樣。加上成套戲真係齋女，睇到我真係頂唔順。我都估唔到原來我咁唔得，點解會咁？
但有一樣嘢要再講，何韻詩成隻碟d歌係跟住套劇，睇完覺得好好聽。最衰我呢期唔係用iphone，如果唔係應該計算咗我聽咗過百次隻癡情司。
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
