0

麥徑一至三段 - 浪茄至水浪窩

vi老篤日記 於 2011-10-10 10:26:34 發表  |  累積瀏覽 773

分類:行山 ;地區:西貢
唔係星期六行,唔代表呢個星期可以避得過行山練習。去完旅行其實都無好好休息。攞住嗰背囊就feel 到肩膀幾咁攰,但又要攞住3L水行山啦!

朝早8點半就約係西貢等,(但係咁都見到celina) 雖然話行第一段,但好明顯唔想再圍住嗰萬宜水庫行,所以搭的士入到去東霸尾先開始。好準備行裝,就開始起行過浪茄!一開始幾多人都係由東霸開始行,最勁係 有過男人同成十條女一齊行,當然大家都係上咗年紀五十歲嗰d。但個男人把聲超響,真係好大聲,我輸佢十條街,所以我哋要用速度避過佢哋。

雖然今日行,已經無中秋節咁熱,不過唔知點解都好辛苦。水真係好重要,好在有3L,飲得好快。出汗又勁!過咗浪茄,上西彎山真係想死,其實問題唔係佢高, 只係一d樹蔭都無,仲要直射太陽,對於我咁怕太陽既人,真係覺得好辛苦。同埋呢段行咗兩次,居然都見到有飛行服務隊救中暑者,魔鬼山真係魔鬼山 lor!好辛苦咁去到鹹田,點知過赤徑都好似行好耐咁!我feel 度我又好熱啦!所以唔理已經貼咗一個退熱貼。不過行行吓都頂唔順,貼多個係額頭。由赤徑出返北潭坳,完全唔理幾樣衰,個退熱貼都係額頭,仲有一張就係頸。

不過我都係頂唔順,我去到北潭坳,坐咗係個亭度,d人走晒,我直頭瞓咗係度,feel 到個人散咗熱,差唔多都成8個字後,我先再準備繼續行。但我又係一d嘢都無食過又再起行。

第三段一開始上山係超辛苦,而我一開始仲feel 度仲有少少唔舒服,不過行行吓就無事啦!仲好似叉返電超快咁行上山,同埋超快咁落山。果然太陽真係唔係我朋友。

行埋第三段,用咗9小時15分行咗23公里。 行到黃昏6點9。最後我個人都ok,出返去西貢仲可以食嘢,算係突破。

睇嚟我都要再搵一d散熱既方法先得。同埋好明顯退熱貼唔可以貼係額頭,佢唔能夠即刻散熱,反而仲阻礙咗添!希望係行之前唸到d更好既方法啦!







感謝 vi老篤日記 提供以上資料

vi老篤日記的個人網誌: http://vivi-1212.blogspot.hk/








鐘意SeeWide的分享,給我們一個Like吧!
  • 攻略日期:N/A
    攻略地點:西貢
  • 攻略時間:N/A
    是次消費:N/A
0人比"掂"

最多能輸入300字

累積瀏覽 209353

全部攻略 323

全部回應 5