![]()
一
早食KFC，食完就搭地鐵去到高陽市。地鐵都搭咗幾耐，好在有位坐。廿幾個站後，我哋去到鼎鉢山。出去沿一條林陰大道(勁似HERO嗰兩旁樹，不過我都相
信有好多韓劇係度拍，不過講唔出姐！) 過咗呢個其實公園廣場，去到大街轉左，行多一陣就到。第一站 -
MBC電視台，今次第一次去到韓國電視台參觀。入到去，好熟口面，原來好多戲d寫字樓出入都係呢度！真係似曾相識。佢都有掛d好hit既電視劇
poster，不過仍然都係大長今。電視螢光幕就好d，有最佳愛情，車勝元、孔孝珍、李多海。但一眼都望得晒，無咩特別。但仲有一個地方，入到去可以玩配
音同埋扮報告新聞及天氣，無人都可以玩吓！
電視台無咩睇就走啦！跟住行去隔離嗰商場，成日係戲度都見到，我哋行咗一陣，係度食埋安東雞作午餐，之後就離開，去返景福宮一帶。
![]()
去
到景福宮嗰頭，今次係去北村韓屋村。睇韓劇就見得多，但真係未去過。不過其實呢區舊式建築都真係比較多。攞住地圖慢慢行，沿地圖所指，的確有好多特式既古
建築。而我更無意中發現一間舖頭，D衫好靚。攪到我都買咗兩件。好繼續行，終於去到兩條斜路，兩旁全係舊建築。當中一間更加係個人的取向孫藝珍住嗰間 -
相婟齋
。雖然入唔到去，但環境真係好靚，可能我本身又最like呢d舊嘢。係度慢慢行，影完一輪相，我哋就出返去，雖然唔係好識路，不過行行吓，終於可以搵返地
鐵站，跟住去返仁寺洞既出口，去我好想夜晚去既仁寺洞。
本身好想係仁寺洞飲茶食糕點，但唔知點解想就無既嗱！所以只好隨便揀間coffee shop飲咖啡。飲完係仁寺洞嗰藝術樓轉咗嗰圈，但係都係無咩啱睇。所以掂行掂過就離開咗啦！
離開仁寺洞，我哋就搭車去龍山。好掛住三年前食既豬骨煲。不過再食就有D失望，因為感覺無咩特別。好似一個辣既豬骨煲，又唔可以加肉wor！不過辣味好適中，最後加咗兩個公仔麵，覺得兩個麵最好食，愛不惜手！
食完就再去咗超市行吓，不過都唔敢買啦！今日都算早d返酒店，因為真係要pack吓嗰廿幾枝雪花秀，同埋嗰六百幾蚊嘢食！
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
