首爾之行 - 第三日 - 潮流之行

雖然想話早D起身，但係好似好難咁！不過都早過噚日好多。我哋搭地鐵落清涼里站，轉火車去郊區。唸住係火車站食地道又平既嘢！點知火車站已經唔同咗， 因為隔離有好大間樂天。而呢間樂天就係秘密花園玄彬返工既地方。緊係要影吓相啦！不過我哋亦係嗰 food court 食我哋既早午餐。

食完就搭火車，點知而家已經無火車，都係地鐵，唔駛出閘轉車都可以。咁我哋即係又入返地鐵站，我哋要搭三個站去上鳯轉車，但唔知係唔係今日假期，月台係企滿晒人，所以我哋都決定放棄。

咁 我哋改去假期多人都無所謂既購物區 - 狎鷗亭。但未去狎鷗亭，我哋首先去咗小法國 - 瑞草區。我係跟韓國旅遊局既site 搵架！好似感覺好舒服，又有間具惠善工作室，可以搵吓花樣男子既嘢！點知去到有幾間幾靚，歐陸feel d既麵包店及Coffee Shop。掛幾枝法國旗又話小法國。而間具惠善工作室又無開！所以好快我哋就走。我哋跟住搭的士去到狎鷗亭。果真假期行街係多人d。coffee shop 超多，d舖頭都有d係幾靚，但係我心目中同表參道嗰頭差好幾十條街啦！
靚既衫、韓國牌子D-Mop 都有既話，呢度都買得唔平，普通貨 - 我又覺得普通到買唔落手。所以只係行行行姐！

行完呢度就去清潭洞，其實係幾間名牌店，d裝修都幾靚，但都唔覺係青山lor！再之後就去埋新沙洞。我就買唔到嘢，不過都會見到特別既舖頭。感覺都算舒服。(但我好認同Wyman 既講法，雖然呢區好似青山區，不過你會去8次東京都未必會去一次首爾。)

最後我哋又係附近搵咗間燒肉食，食完就搭返車去地鐵站再返明洞。返到明洞同我細佬去咗唱K先，但係又係嗰d爛鬼mtv，十年前既電影都有，仲有嗰環境真係衰得緊要！唱咗個半鐘左右就走啦！ 

感謝 vi老篤日記 提供以上資料

vi老篤日記的個人網誌: http://vivi-1212.blogspot.hk/