離開咗華山1914文化創意產業園區之後
我哋就番去忠孝新生站乘搭捷運去捷運劍南路站
我哋預約咗一間親子餐廳MOOOON SPRING去食個Lunch!
去到忠孝復興站, 我哋要轉搭文湖線去劍南路站
轉車站時要行經一條短橋, 在上面可以看到路軌, 佢哋好興奮!
等咗5分鐘就有車啦, 好方便, 在車上睇住一路離我們而遠的路軌
港鐵兩頭都係司機控制室, 所以永遠都唔會睇到呢個View!
芊芊好乖瞓咗陣, 但係哥哥就叫極佢哋都唔瞓,
佢好鍾意坐車同埋睇風景,
落咗車跟住Google Map行, 好快就見到黃色柱, 再行前就見到餐廳所在
劍南湖這個地方都徧少人, 好似係商業區, 好多商廈高樓
街道好乾淨, 空氣好好, 人車都少!
終於嚟到門口, 真係好似去咗外國咁, 店舖外面都好靚!
整個餐廳都係以黑及黃色為主, 呢度除咗係一間餐廳可以食嘢之外
仲有好多俾小朋友玩既地方
而且仲周不時會有講故事活動
我哋一入到去, 佢就知道我哋係網上預約的家庭, 好熱情招待我哋!
在門口位置有好多圖書, 小玩具同精品賣!
媽咪梗係第一時間去睇吓有冇好書買啦!
呢度絕對唔怕你打書釘, 你可以走去隔離個Reading Corner度慢慢食tim!
呢度周圍裝修都好靚!
佢哋餐廳都有Theme架!
"All children are artists.
The problem is how to remain an artist once he grows up."
十分認同! 呢個時侯芊芊仲瞓緊覺, 咁Hysan去咗邊呢?!
佢已經第一時間去咗沙池(台灣人叫沙坑)玩沙!
其實這裡的並非是沙, 係一D好似水松木既東西, 叫做決明子, 但係好細粒! 細到好似沙咁
不過玩完唔會黐住哂個身, 唔駛擔心同佢哋清理!
餐廳盡頭有個位可以行出去, 原來係一個用木條建造出的水繪畫區
佢有幅牆喺度俾小朋友可以用不同的掃用水係牆上面畫畫
講真你寫得好靚! 叻
呢個唔係妹妺嚟, 佢仲未醒! 成2＿哥哥真係飯都唔食可以入番去玩
唔好講咁多我同老婆食嘢先
呢度有個自助沙律Bar, 沙律同埋隔離個南瓜湯超好飲,
我自己都飲咗兩碗!!
活力熱情(奇蘋鳳)果汁 NTD90
泰紅咖喱雞飯 NTD360
青醬野菇口鮭魚飯 NTD260
日式照燒豬扒飯 NTD370
靚靚既杯墊, 我哋走之前我都問職員拎多兩塊自己留念!
呢度仲有一個LEGO區域
芊芊醒咗啦, 我帶咗佢去BB室玩吓玩具同樂器先
等佢清醒吓先再食飯!
兩個終於食完嘢, 我同老婆可以休息吓傾吓計啦!
佢哋番去沙池度慢慢玩!
我哋喺呢度都逗留咗差唔多三粒鐘!
最後出番去門口影番幾張相就去最後一個景點啦!
Photo by CANON 5D Mark III, Len | EF 35mm f/1.4L USM
呀劍評分: 10分
呀劍評語: 呢度無論環境, 食物, 耍樂設施, 都好正; 有嘢食, 有嘢玩, 有書睇! 仲有相影, 一流!! 極力推介給各家庭; 價錢唔貴, 坐咗咁耐, 乜都抵哂
