今日都唔算好早出發，起身係酒店附近食咗嗰麵，就開始今日行程。我哋第一站去咗誠信女子大學。個個大學站都差唔多，真係睇唔到有咩分別，不過今日嚟我哋只係去咖啡店。呢間咖啡店雖然係集團式，不過呢一間分店就有拍過秘密花園，所以咪專登去lor！
飲完咖啡，又食完嘢後，就搭車去蠶室樂天世界。當然唔係溜冰，去嗰個韓流館。不過要俾錢入去除非去免稅店買嘢！所以最後係樂天免稅店買咗一埋雪花秀，但超多，攞死！換咗嗰幾張飛後，入到去真係把鬼，得嗰幾個紙版人，又細，都唔知想點！好在張飛唔洗錢！
為咗嗰幾張飛，買晒d雪花秀係手，迫於無耐要返酒店放底d嘢先。跟住我哋就去景福宮站。再搭巴士去到平倉洞，一個陌生的名字。不過跟據本U
Magazine，最佳愛情兩個重要場景就係呢度拍。我哋一落巴士要問人，先可以搵到條上山路，跟住一路上斜，見到好多畫廊同埋美術館之類。行咗無耐，就
見到國寶少女餐廳。永遠d舖頭都係係電視劇見到好大，但係真實就無想像中咁大。
飲完咖啡我哋就搭返巴士出去，見到光化門我哋就落車，影埋光化門、世宗像，我哋跟住又行咗去清溪川，行咗一陣就搭地鐵，去咗東大門。東大門真係超多人，我哋首先食嘢先！當然繼續燒肉，不過仲有點生牛肉添，呢期唔知點解成日好想食！
食完晒飯先去東大門，發覺點樣都係覺得好唔啱睇，所以只係行咗一兩個商場，就走啦。今日終於完成電視劇場景之旅，再要係一日飲三杯咖啡。好在最後都瞓得著姐！
好多韓劇拍攝場地資料，多謝佢先搵到嗰兩間咖啡店。
http://blog.yam.com/tsaiaries/article/41373483
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
