星期五䏲第一場林憶蓮演唱會。繼上次九展後，都有幾年無開過演唱會。
一開始就嚟一Part 快歌，令到全唱氣氛即刻提升。今次佢嗰台又超細，有部份歌迷仲可以好近接觸到Sandy。估唔到佢年紀都大，但會唱咁多快歌。當中既快歌唔係好記得係咩名。之係記得有灰色。哈哈哈哈! 呢個星期既飲歌。
第二Part 一開始唱D中版歌，跟住就有慢歌。仲同恭碩良合唱添！雖然年紀相差咁遠啊，不過係台下望都唔覺。
第三Part 換咗一件紅色衫，對鞋又鬼咁高。不過亦好明顯係唱慢歌。係條樓梯到唱完，仲除咗鞋跳咗Part慢歌舞。都幾吸引。全Part都係慢歌。正！
跟住就換咗同海報一漾嗰條裙。不過親眼睇，條裙唔係好靚。感覺好橫。呢Part有嗰位都幾攪笑，要D觀眾上台擁抱咁！不過攪到首歌好似唱俾嗰十幾人聽咁。之後，呢Part仲唱咗陳百強、梅艷芳同Beyond 既歌。
之後換咗衫又嚟一Part 勁歌熱舞，連講多錯多、不不不、都有，仲有瘋了添！最後換咗一件都似晚裝既衫，作總結。
雖然我好多歌都唔記得，或者識唔晒。不過好明顯今次好睇過上次九展另類演唱會十幾萬倍。而對比之前紅館就唔同lor。嗰次慢歌為主，同埋好多國語，今次就
居然以快歌為主，果然寶刀未老。同埋睇咁多演唱會，覺得唱歌就係好好。以呢一代就算睇容祖兒都唔得啦。就算睇鄭秀文都無咁勁。完全係正啊憶蓮。
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
