麥理浩徑第一、二段 - 萬宜水庫到西灣

又係練習毅行者既時間，今日唸住一次過行晒第一、二段，即係由北潭涌行到去北潭坳。

我哋十一點九去到北潭涌既閘位，跟住開始我哋既練習。一開始係沿馬路而行，對比之下行得唔算辛苦。而馬路間亦有標距柱，呢度係一開頭，當然由M001開始啦！

行到咁上下見到有涼亭就係分岔路口，我哋係向浪茄出發，所以沿萬宜路行。呢條路我有行過，上次行到死咗，悶爆！所以陰影都幾大。不過唔知係唔係跑山既關係，今日行得出其地快。可能平路關係。兩個鐘頭左右就已經去到東霸尾，準備去浪茄。

不過最估唔到今日係咁曬，原先話落雨既星期六，點知又曬又熱，但因為落過雨，好多泥濘路。雨具就完全無用過lu！

開始進入浪茄，又加上係兩點呢d最熱既時間，真係辛苦到震！當過咗浪茄沙灘，上山繼續向西灣出發，完全係想死咁！Feel 到Lucy上唔慣山，但我嗰心真係度唸，死啦咁曬，我會唔會又頭痛又想嘔架！不過可能因為上得慢總算ok！

係浪茄嗰亭，我哋停咗好耐！等埋wendy 既朋友到咗我哋先起行。我覺得我哋完全有頭威無尾陣，一開始好似行得好快，但最後..........

係呢度我哋決定唔行晒二段啦，去到西灣就算！不過雖然只係五公里既路程，但我哋行咗成三個鐘，真係慢到呢！不過咁慢都唔代表行得舒服，太陽伯伯真係我敵人，佢一曬我真係死！

終於係五點既時間，我哋去到吹筒坳，不過我哋連西灣都無落啦！唔想沿路行沿路走，所以出返西灣亭算啦！

今日唔止同我哋預計既時間唔一致，仲要未能完成添！問心我都覺得幾失望，估唔到能力咁低添！同埋行完釣魚翁及神山後，心理陰影真係好大，經常覺得一曬就 死，同埋點都覺得會頭痛同埋嘔，簡直未開始就已經唸定先！咁樣攪落去，就算我有腳力，都調節唔到我心理，點算好呢！係唔係曼秀雷敦gel頭同埋常備白花 油，下次都應該兩者試吓，同埋預備退熱貼先，幫嗰頭散熱係最重要！ 

感謝 vi老篤日記 提供以上資料

vi老篤日記的個人網誌: http://vivi-1212.blogspot.hk/