剛抵達日本機場時, 是當地時間7:30AM (香港時間6:30AM), 八卦的Matthew馬上醒來四圍望!!
![]( "DSC_1930")
![]( "DSC_1926")
其實之後都要排幾耐先入到境, 好在BB又肯訓返, 一直去到離開機場, 去搭機場列車時先醒~~ 日本天氣比香港凍好多, 估計首日的早上得3-4度咋, 當然馬上幫Matthew仔加衣、加帽又加頸巾!!
Matthew仔好少可肯戴帽架, 依個shot真係好珍貴呢~~~
![]( "DSC_0160")
哎呀!! 除左自己戴帽, 仲要搶媽媽頂帽咁衰架~~~
![]( "(surprise)")
![]( "DSC_0155")
去到有暖氣的火車上, Matthew仔可以安心舒服的嘆奶了~~~
講起上黎, 原來o係大阪搵早餐食唔似香港咁方便同多選擇, 爸媽都係好彩有份飛機早餐頂住先咋!
Matthew「我都係唔飲太多奶住啦, 要留肚食Oishi的日本美食呀~~~」
![]( "(silly)")
![]( "DSC_0209")
我地搭到去難波站, 其實一D方向感都冇, 好在有好好人的先生願意帶路去搵酒店!!
雖然咁早冇得check-in, 但放低件大行季先 (出發時已有24KG!!) 都好好多啦~~~
![]( "DSC_0241")
酒店附近的運河, 原來沿住佢就係道頓堀一帶, 超旺架~~~
![]( "DSC_1936")
見到有好多人排隊, 都知一定係好野, 果然旅遊書都有介紹, 一於去食下先!!
![]( "DSC_1939")
個時只係10:25AM, 都咁多人排緊, 相當誇張呢~~ 好在依D小丸子turn得好快, 好快就到我地!
![]( "DSC_1941")
完全唔識日文, 凡事都靠指指指, 媽媽都好順利買到六粒裝的小丸子 (¥360)~~
![]( "DSC_1943")
依間小丸子味道特別濃, 薑味亦較重, 其實唔算好o岩我口味..
不過咁凍時食到熱辣辣的食物, 感覺真係唔錯呀!
![]( "DSC_1944")
Matthew仔都初次落地行lu~~~
![]( "(winking)")
![]( "DSC_0274")
我地住的附近一帶真係超旺, 勁多食肆同商店林立, 睇到我地眼花瞭亂, 但原來之後發現仲有地下街添!
![]( "DSC_1950")
![]( "DSC_1951")
除了食肆商店, 該帶仲有超多大型角子機店~~ 由於抵達首目係週日, 好多麻甩佬排隊去玩!!!
![]( "DSC_2047")
天寒地凍, 我地最關心都係Matthew仔夠唔夠飽, 夠唔夠暖~~~
所以見有吉野家即入, 打算買個白飯俾佢暖肚!
傻爸爸同Cute baby~~~
![]( "DSC_1957")
本來想買淨白飯, 但見到Kid's menu (¥280) 好得意, 忍唔住買了一份俾Matthew試~~
![]( "DSC_1958")
Matthew「媽媽妳影完未呀? 我好想食飯呀~~~」
當然BB咬唔到牛肉, 而且調味都幾多, 所以我地先用水洗完牛肉, 然後由媽媽o趙爛牛肉, 再撈飯俾Matthew食~~ 處理方法好原始 (先決條件係要帶牙刷去機場刷乾淨牙), 但比剪快同有效好多, 為食豬超鍾意食!! 同上的係100%果汁, 都有俾BB飲, 最後布丁都食左半個, 大滿足!
![]( "DSC_1959")
食完飯o係人地間鐵板燒屋前的反光鏡影合照, 哈哈~~~
![]( "DSC_0341")
Matthew食飽飽又訓到成隻豬仔咁, 爸媽趁機會去醫自己肚了~~~
其實依一帶有好多超有風味的拉麵店, 不過好多都窄窄地, 架巨型BB車好難入呀..
![]( "DSC_1978")
最後去了依間, 其實都逼架啦, 不過玄關有位放置架車, 反正Matthew訓左...
![]( "(tongue)")
![]( "DSC_1977")
佢叫三田製麵所, 好好好食架, 大家要認住佢個嘜頭!!
![]( "DSC_1967")
有衣架俾食客掛衫, 又係好有風味~~
![]( "DSC_1968")
點了一份招牌的麵 (¥750), 加了一隻半熟玉子 (¥100), 原來係撈麵!!
![]( "DSC_1970")
個醬湯係講唔出的濃厚、鮮甜同入味, 加上粗身彈牙有口感的拉麵, 超超超好食!!
湯中仲有少量超鬆化的豚肉同爽甜筍片, 加埋真係Ichiban呀~~~
![]( "(drooling)")
![]( "(drooling)")
![]( "(drooling)")
![]( "DSC_1975")
半熟玉子都做得好出色, 可惜Matthew訓了, 唔係為食豬一定like爆!!!
![]( "DSC_1976")
另外點了一碗微辣的中華風拉麵 (¥800), 個湯辣中帶鮮甜, 麵條粗幼適中, 又係好好味呀!
![]( "(drooling)")
![]( "(drooling)")
![]( "DSC_1974")
食完好好味的拉麵, 成個人暖哂, 好想食甜品黎中和一下~~~ 日本的甜品真係靚到引C人架!
![]( "DSC_1991")
不過雪糕、芭菲等香港大把地方食到, 我地決定去食綠茶甜品~~~
![]( "DSC_1982")
依間Nana's Green Tea位於IOIO百貨地下, 兼有咸食同甜食、飲品~~~
我地梗係專攻綠茶甜品, 首先係綠茶白玉 (¥650), 好清幽又濃郁呀!!
![]( "DSC_1984")
不過凍食的白玉丸子比較硬實, 媽媽都係鍾意依個綠茶紅豆湯 (¥600) 多D~~
![]( "DSC_1986")
超濃郁又熱暖的綠茶, 襯以香甜的紅豆同軟稔可口的丸子, 好滿足呀!!
![]( "DSC_1988")
距離拎房仲有少少時間, 去埋酒店另一邊的心齋橋方向行一行~~~
![]( "DSC_1992")
![]( "DSC_1994")
心齋橋比道頓堀同千日前一帶更重商業味, 其實我地鍾意後者多D...
不過翌晚發現佢有連續三幢好多野行+睇的大丸百貨 (Daimaru), 又加返唔少分~~
![]( "DSC_1996")
其實對於大人黎講 (特別係成晚都冇乜點訓的爸爸), 都幾累架啦, 我地最後2:30PM拎房~~
![]( "DSC_1998")
一入房, Matthew第一時間撲上張大床, 真係有taste呀~~~
![]( "DSC_2000")
其實好動豬未眼訓, 又走去玩電話~~~
![]( "DSC_2003")
![]( "DSC_2004")
爸爸已經頂唔住啦... 媽媽就執多陣野, 又食奶又唱歌, 總之努力出盡法寶氹Matthew一齊訓....
成功!!! 結果一家三口一齊訓到差不多六點, 再起身一齊落街食晚餐~~
![]( "DSC_2010")
覺得已經開始好熟依一帶, 但其實只係第一日的夜晚咋~~~
![]( "(winking)")
![]( "DSC_2015")
老公想食壽司, 去了依間好似好架勢, 旅遊書都有介紹的壽司食第一餐~~
![]( "DSC_2016")
其實出品唔係好特別咋... 點解會咁多分店咁巴閉o既?
![]( "DSC_2018")
刺身我食得唔多, 唔作評論~~
![]( "DSC_2020")
但箱押鯖魚壽司真係麻麻地, 唔夠實又太酸了~~~
![]( "DSC_2023")
最特別係腐皮壽司, 竟然係咁樣樣的?
唔記得每一樣的價錢, 總之依餐食左¥3000左右, 算係第一日比較失色的一餐~~
![]( "DSC_2025")
Anyway, Matthew仔仍然覺得壽司飯好好食, 特別甜蛋真係like爆!!
繼續行, 依幕真係萬分經典呀~~~
![]( "DSC_2026")
去了好出名食蟹的仁道樂, 買了炭火燒蟹 (¥700) 黎食~~~
![]( "DSC_2028")
![]( "DSC_2029")
其實相比後來上店食 (容後再記), 我覺得街燒的水準差好多, 燶好多!
不過Matthew仔仍然好想好食喎.......
![]( "(laughing)")
![]( "DSC_2031")
壽司晚餐其實食得唔多, 因為媽媽想留肚去試依間有名的大阪元祖燒餅呀!!
不過可能係週日關係, 去到大排長龍的......... 結果改到第2晚再試~~~
![]( "DSC_2032")
繼續行~~~
![]( "DSC_2033")
又見到人龍, 應該有好野食~~~
![]( "DSC_2034")
咦, 正正係媽媽想食的大阪燒餅喎, 正!!
![]( "DSC_2035")
雖然好多人排隊, 但依位叔叔仍然製作認真, 由煎餅、搽醬、吱沙律醬、落海苔粉, 全部過程一絲不苟!
![]( "DSC_0498")
大大個燒餅都係¥500咋, 抵食!! 而且味道都唔錯, Matthew仔都食左冇醬的菜餅部份~~
![]( "DSC_2037")
最後去樓下的雜貨店買水果~~~
![]( "DSC_2013")
至愛日本的士多啤梨, 求其買都甜C人, 好幸福!! 日本蘋果又係勁濃果味, 國產的真係完全冇得比呀... 可惜冬天冇當造水蜜桃同蜜瓜, 個兩樣又係極品呀!
![]( "(thumbs up)")
![]( "DSC_2040")
唔講太多, 大家睇下Matthew仔的表情, 就知士多啤梨有幾好食~~~
之後我地真係每日都買返黎食, 就連臨離開的一日都唔放過架!
![]( "(drooling)")
![]( "(drooling)")
![]( "DSC_0513")
第一日的行程就此結果, 第二日我地會去奈良, 順便仲逛埋黑門市場同更多心齋橋路段~~ 聽日介紹!
Yan 遊記 - 中國
