0

Open the Dragon Seal ~ 龍璽 @ ICC 101/F

甜魔媽媽 於 2011-09-24 00:00:00 發表  |  累積瀏覽 683

分類:

進入餐廳前, 先經過一個眩目的吧檯位
這微帶洋風的裝潢, 亦揭示了餐廳有新派、fusion的一面~


餐廳藏酒量都好豐富下, 不過是晚我地冇開酒飲啦!




經過這條白色走廊, 就會抵達用餐地方~


其實店內主餐區並不大, 據經理講只可容納80人左右

而當晚所見, 去到8點餐廳都有8-9成滿, 生意唔錯!


店內特設二人卡位, 當晚亦見有兩口子來甜蜜慶祝呢! 


除了靚裝修, 101/F的高層美食亦是超級煞食位!!
靠窗位的大檯, 可邊用餐邊享受維港迷人景致, 太正了~~~ 


店內的Best Table, 有180度迷人高層美景, 據知並沒額外收費!!

當然一定要提早2星期以上訂位啦~~ 


由上往下拍的夜景~ 都真係幾高架!


八卦的我去埋人地VIP房參觀~~ 又係好靚裝+景!!


是晚我們就坐大堂, 位置近窗而不貼窗, 好處是光線較足, 可以拍下食物美態!


好鐘意檯上清雅優美的蘭花~~ 


開始食野啦!! 是晚菜式由經理同大廚精心設計, 首先是前菜三味~

前菜三味 之 三絲
最上層是加了黑松露醬的金針菇, 既爽又香口; 中層是意大利黃瓜, 食感清新;
底層則是窩筍絲, 三款均是清新開胃水準之作, 淨食或撈勻都好味道! 


前菜三味 之 蜜汁叉燒
叉燒略帶一點肥, 肉質軟硬適中又鬆化, 蜜味又重相當美味! 
有食友嫌它未夠熱, 作為前菜我則認為還好, 幾滿意的~


前菜三味 之 吉祥紅提
紅提其實是山楂染紅的冬瓜粒, 口味稍為有點濃, 但雪凍後添上一份清新感, 最後都食哂!


之後又有每位上的 五葉補川貝燉海星燉湯容器十分精緻, 悅人眼目, 亦可令湯飲到尾都保持滾燙, good! 


湯中除了雞腳、雞肉、花膠等材料, 最特別是加入海星~
侍者叫我們不妨試試海星味道, 好的遵命!! 


這就是海星了...

中間的確有點膠質的肉, 不過更多是砂石質感的碎粒, 老實講唔太方便/好食的! 


然後又有原隻 雲南白族豬~~


BB豬只得20天大, 就 (幸運?不幸?) 成為我們的晚餐了.....


乳豬分好後再上檯, 除了美味皮脆肉嫩的乳豬, 我也很喜歡伴碟的野菌, 又香又juicy! 


還剩了四隻乳豬腳, 後來打包給豬腳迷TC/阿龍了~ 


之後有精彩非常、令人萬分期待的 生死戀蒸巴丁魚!! 


大肚媽媽分到最大的一件, 好開心!! 

魚王真不愧為魚王, 魚脂豐厚、魚肉層還帶薄薄一層脂膜;
而店方蒸的火候又好, 肉質特別細滑動人, 加上靚豉油及很香的咸魚釣味, 可謂全晚的驚喜之最! 


之後又有 白酒焗金蠔, 醬汁的容器十分別致呢~~~~


金蠔薄脆外層下, 是極其肥美鮮嫩的蠔肉; 
同上的白酒汁又是精彩, 酒味收得則好令味道細緻動人, 唯一要嫌是蠔隻不夠熱!!


也是時時清清味蕾 南之翠疊

很新鮮經修剪的生菜, 配以上湯南瓜汁, 清甜鹹鮮見中爽甜, 唔錯~~ 


最後又至高榮譽金獎---生拆海蝦貴妃泡飯

蝦隻十分新鮮, 湯底亦很鮮濃 (不過吃得出下了一點味精) ;
所以店方特加上芫茜營造清新感, 平日不吃芫茜的我也幫襯了不少~~


最後來到甜點環節, 我們幾乎全掃, 首先是 相思甘露顧名思義, 這是由紅豆及楊枝甘露組成的甜品, 首次吃糊狀的楊枝甘露, 幾特別;
底層紅豆甜度亦適中~ 甜品中層還加了杏仁霜, 令口味更香更突出!


蛋白杏仁茶, 只是正常的水準, 無特別~


特別的雙色配, 其實是杏仁豆腐, 加上黑豆漿及小丸子而成, 整體口味較清淡~
反而面層的脆片會帶來一點驚喜!


大家都好開心有壽桃包食!!!  


不過這是健康版的紫薯壽桃包~

雖然味道不差, 但其實大家都熱愛不健康的傳統蓮蓉壽包更多!



鮮製棗皇糕, 黏度極高、十分彈牙之作
初吃有點酸味, 後來甜味酸味慢慢複合出來, 在口腔慢慢融合, 特別得來都算幾好吃的~


最後還有大大粒的擂沙湯圓~


湯圓做得皮薄, 餡多豐富而且夠油潤, 唔錯, 食完超級滿足了!! 


最後不得不介紹這裡的洗手間....
早在Ritz Carlton見識過海景洗手間, 但海景廁格我還是首次享用!!
感覺難以形容, 特別影俾大家睇睇!! 



唯一少少遺憾, 係Mandy因病未能出席... 希望她早日康復~~~


============================================

感謝 甜魔媽媽 提供以上資料

甜魔媽媽的網誌: http://gourmetyan.blogspot.hk/


============================================

鐘意SeeWide的分享,給我們一個Like吧!
  • 攻略日期:N/A
    攻略地點:N/A
  • 攻略時間:N/A
    是次消費:N/A
0人比"掂"

最多能輸入300字

累積瀏覽 1298160

全部攻略 2644

全部回應 104