噚晚星期日睇第一場既小豬演唱會。今次買唔到最貴飛，最衰都係我遲遲唔覆。好在最後都叫買到睇，不過成27行。
8點7左右開場啦！一嚟當然快歌先。雖然坐咁高，但佢四面台，同埋感覺都幾中間，view 係好好。不過最驚喜我相信唔係小豬出嚟！係Cherry 嗰d狂呼。當堂嚇親ceci 同emily。雖然都唔係第一睇見cherry 咁！不過有人潑火真係正d，你先係主角。
唱咗一首歌，佢已經脫咗對翼，展現佢既麒麟臂。但仍然係一輪快歌。到換衫前嘉賓就出場，超早，九點都未到。今日係容祖兒，但係由著衫到講嘢，無一樣嘢夾到，都唔知仲咩！完全唔想聽佢獨唱添！
最正係容祖兒唱完係第二part，講返之前佢做過既偶像劇。其實無嘉賓都ok。跟住就係出嚟唱返d劇集中既慢歌！最正！加上嗰台又高，變得好近咁！
唱晒d劇集歌就到新碟歌。但仍係嗰件火紅色衫，sharp 爆！
間場就講返d醜聞，好似好感性咁，可能唔係超級fans，無咩感覺，但就好match跟住唱併什麼。
跟住嗰d我已經唔係好記得唱咗d咩歌。只係記得有唱到我呢期溫書覺得後回味既好朋友，同埋我不會唱歌。
不過中間有嗰位真係要講，佢無咩安全措施下，居然升到嗰小圓台好高，雖然同我哋好近，不過真係好危險。
跟住換衫又一輪快歌啦！但最尾居然玩水，係一個小水池踏水咁！雖然佢好似未試過，但吳克羣已經玩到好煩，仲要跟，有d唔like！
去到最後一套衫，居然同舊年嗰concert 係一樣，後面嗰百事logo，仲有嗰條legging都係一樣，撞鬼！再要表現吓打鼓，再睇無特別！
最後一首歌唱愛瘋頭，中間講嘢仲要講咗好耐，先唱完！但唱完散場都唔到11點，真係撞鬼！
總結：今次俾舊年差，太多嘢講，我想佢唱多d歌。同埋可唔可以唱多三個字呢！第一場就交d行貨咁！
Link up Cherry Blog, 你嗰run-down 實在太detail。
http://leungcherry.blogspot.com/2011/07/blog-post_11.html
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
