籌備唔算好耐，相隔咗四年，估唔到差唔多既人腳又可以去一次離港旅遊。
之前做咗research 問咗阿媽，阿媽就介紹咗d攝影好去處俾我哋。跟住就plan 好晒我哋既行程。最後係71假期後，7月2日北上廣州。
我哋相約10點半係上水地鐵站等，估唔到出一出閘真係平好多，平成$5.5。齊人後就去羅湖啦！跟住搭和諧號，不過今日真係假期，超多人，買飛要排好耐隊，不過一買完就差唔多上車啦！
大
約12點9落車，到廣州啦！出咗閘我哋就買咗返既車票先，跟住就搭的士去小洲村。呢度係媽咪介紹，佢話係廣州既水鄉。不過我哋嗰的士好衰，隨便放我哋係間
福苑美食，仲要話人人知，其實只係佢趕住出去接客。我哋攪到要用長途電話聯絡。好在最後都相遇。咁的確我哋又去咗福苑食啦！食完就行入去叫瀛洲既小州村。
入面d路好細，但就有條溪包圍住。
其實有d似縮水版既周莊，不過始終覺得好多嘢人工化咗！無咗惜日鄉村既感覺。去到簡氏宗祠，又有少少似新界嗰d。
我哋都行到差唔多五點，再食咗個手磨但唔算好味既芝麻糊，咁就離開小洲村啦！
下一站我哋去觀光塔。估唔到坐巴士都會因為無人，車到你去門口，誇爆！
係呢邊睇，的確好宏偉。望見最高處既跳樓機同摩天輪，我都好想去玩！不過佢仲未開，要等8月尾啦！
影完一輪宏偉既相，我哋就去沙面，返一返酒店先！今次租咗勝利酒店，一來係d舊建築群區，方便影相。附近又有好既按摩店同埋酒吧街，所以住係呢個舊建築物都好正！
我哋7點半出嚟搵食。去咗黃沙水產市場。唔知點解返完酒店嗰人好攰。雖然見到咁多海鮮，但咩胃口都無。(有人話我係中暑wor，我嗰人都係太矜貴，唔曬得，無計。)
食完嘢，我哋就去按摩，腳同身既推拿。唔知係唔係男人，超有力。佢俾我係平時中醫館做正好多。做完兩個鐘。成點鐘都未返酒店。行咗去珠江邊，即係白鵝潭酒吧街。佢話點半收，但死都要坐底飲嘢！
飲完返到酒店，都仲要再enjoy 埋佢嗰free coffee 先返房瞓，攪到3點半先上床。
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
