今日打完波,雖然無上星期咁攰,但都好似未係好好狀態。
打完波,返屋企整理下。跟住約咗Cherry 去 Apps Expo,點知行咗一陣就睇完,都無咩特別嘢睇!好似平日d電腦展咁,不過賣嘢嗰d檔變咗幫你整Apps 既公司,同埋有幾檔賣平板電腦。我最多只係玩吓撲蝶,同埋係Yahoo 嗰攤位換咗嘢!
唔駛一個鐘就睇完,所以我哋去咗香港大學,我哋之前話要影荷花,一路都未去,所以咪一次個去埋!去到之後,發覺原來荷花池好細,但生得好高,同埋有一、兩棵好突出,咁已經夠啦!
影完之後,我哋就落咗中環搭船過尖咀。不過咁啱係F1表演,成條天橋都係人。警察叫人唔好停留係天橋,無人理!但d警察自己又霸咗半條,咁既安排都唔知咩道理。F1 我哋就望唔到,只係睇咗之前嗰幾架跑車行過。
去尖咀係為咗買iphone case,不過去到LCX都搵唔到。有晒相機,時間又ok,我哋當然影吓日落添!不過係正日落既位居然俾DHL嗰熱氣球阻住,如果有機會下次影,都係去港威嗰邊好d。