早講真係怕小氣！不過已經親身體驗了連續六天「已戒夜奶」的晚上，分別試過連續訓五小時、六小時，甚至昨晚的七小時！感覺真的太美好，我的美容覺回來了…..不需要再晚晚捱眼訓嚕。又話說不知不覺仔仔已經兩個月啦！正如大家所說，滿月後就好識得笑了^_^
心情靚爆的時候：洗白白時、洗完白白後、便便後，輕易捕捉開心笑咪咪樣。（他們說左邊的相是貓貓嘴，呀！真的好貼切，這貓貓嘴笑容主觀覺得好吸引…）前幾日剛剛學會了吐舌的樣子…..私心又覺得好可愛！（我就是那種會中自己孩子毒的媽媽…….大便都覺得香囉…）
記錄一下兩個月的狀況方便自己日後睇返：
今天仔仔剛好兩個月，朝早去健康院打白喉（第一次）及小兒麻痺混合疫苗（第一次）兩支針（左右大脾仔各一支啊！心都痛埋），等了一整個早上……中午去私家診所食埋輪狀（$680）。吃了退燒藥，大脾仔咁痛就抱多陣啦：)收錄返之前貼過在facebook page的相片：
能夠看著寶寶成長真的很窩心，雖然未能當上全職媽媽，但也算是90%的全職媽媽嚕！年底搬離大埔後就要獨自照顧仔仔了……….嗚嗚！到時候仔仔都轉食固體食物了…..SO FAR如婆婆口中所說：「足月真係好好湊！」。BB好乖好少喊，現在更加是成日笑，好少扭計。凌晨餵飽掃完風就自己訓………就算初生時都是三小時準時飲一次奶；出世到現在沒有瀨過十篤便便，不知由第幾天開始，仔仔在便便前有signal，例如變臉或者發出怪聲，在婆婆的照顧下，可以在說著「唔唔」的情況下除片痾屎，好誇張……..
兩個星期前仔仔亦愛上樹熊抱，這樣抱雖然雙手有點累（其實之後成廿幾三十磅應該點抱都攰XDDD），但當真太冧了，抱抱下會成個頭挨埋黎，伏在我鎖骨位，嘩…..冧到呢………….叫我怎捨得放手呀？怎捨得俾人湊呀？希望能每個月分享一篇仔仔成長記錄啦，下次下次，應該是分享百日宴了。
575 total views, 575 views today
============================================
感謝 小知 提供以上資料
小知的網誌: http://siuchi.hk/
============================================
