嚟到第四日，今日終於係比較relax。不過為咗唔影響行市中心既時間，我哋仍然好早出動。因為想享用吓酒店既海灘或者泳池。
行咗去海難嗰邊，首先發覺沙巴真係唔係熱既地方，點解有d涼，香港好似熱好多。同埋天色都唔係太好，所以見唔到有人係沙灘游水。
最後我哋都係係泳池游咗一陣就算。
大約10:45，我哋就係酒店出發，去亞庇既市區。一心唸住食肉骨茶，點知搭車時先發覺夜晚先有得食，所以隨便去咗一間食肆叫咗個三色奶茶，都幾好飲wor！之後繼續跟旅遊書行咗去馮業食喇沙。
![]()
發
覺真係飽，所以決定去咗 Centre Point 嗰邊先，雖然好似講到好遠咁，其實太約係旺角頭行去油麻地尾咁上下啦！去到Centre
Point，目的唔係行街啦！聯合商場係唔啱我架！我哋係去咗Massage。Wendy 介紹咗間叫Helen
既，我跟住去，我一定要做兩個鐘body + 一個鐘 foot。超平，都係馬幣125。d手勢真係好唔錯。
不知不覺攪到5點幾，又係時候行返去食另一輪美食。我哋沿海邊行，加上時落雨時唔落，環境真係有d惡劣。但照樣行過街市，土產市場之類既地方。最後搵到食海南雞飯既地方啦！ 似就快關門，好在仲有得食！
海南雞飯都真係幾好味，不過其實得我同陳慧敏食lor！食完就行咗去超市，買咗d肉骨茶、咖啡粉之類！
跟住我哋就去食肉骨茶。原來食肉骨茶既地方，就係飲三色奶茶間舖附近。夜晚果然好多人食肉骨茶。我哋叫咗三個肉骨茶，per完全無食，一碗喇沙攪掂咗佢。而carol狂叫飽，但又叫白飯，浪費食物。不過問心嗰肉骨茶好似普通咗d，d味唔算好濃！
![]()
食完肉骨茶又落兩，仲要攪到好鬼凍咁。所以行咗幾個街口就要搭的士。但係搭的士都係去返揼骨嗰頭，我哋係嗰邊食海鮮，旅遊書同地圖都介紹雙天。其實同埋鯉魚門或者西貢都無咩分別。
最攪笑食海鮮撞返同我哋上神山見到既朋友，佢哋原來由宿霧嗰邊個嚟，我先頭仲以為係新加坡添！
食完晒海鮮，雨繼續落緊，所以都無再去邊，我哋只係買咗酒同汽水返酒店。不過返到酒店攪完一輪，可能太攰，所以都無飲lu！
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
