0

沙巴之旅 - 第三日 - 神山 (Mountain Kinabalu) - 落山篇

vi老篤日記 於 2011-06-12 11:22:48 發表  |  累積瀏覽 523

分類:行山 長線旅遊 ;地區:沙巴
上完山頂睇日出,落返嚟應該係食早餐既時間。不過我一見到張枱都只係"扒"係度瞓,咩食慾都無啦!佢哋幫我攞晒床既嘢,跟住都係度食嘢。抖咗一陣,嗰人定咗係好d既。可以飲返d水,不過嘢都係唔想食。

抖 到11:40左右,我哋出發下山啦!雨係未停過,件雨褸終於有佢既用處啦!我知自己狀態唔好,所以我決定將我既背囊交俾導遊。的確今次真係攞得太多嘢上 山,大機加兩枝鏡,仲要一部細機,又有一堆衣物要預備。而身體亦可能幾日既疲勞同飲酒太多,再加上未食晒紅景天,實在發生了高山症事件。所以呢刻唔逞強。 Carol 亦有交底部份行裝俾Q版、又唔理我哋既guide攞啦!反而今次最堅係陳慧敏,勁!咩事都無咁!只係肚餓!你可以留底做porter啦!

開始落山,雨一直下,不過對於我嚟講,心情興奮,快d離開,我好辛苦啊!不過行咗唔係好多步,我就開始影相。今次大機我真係無咩用。人哋有wide鏡影風影咁靚,我真係唔同佢爭。而家又落雨,細機放袋真係正到暈!

其實唔知係無嘢攞,or嗰人真係一落山就醒晒!唔知點解真係好興奮咁既樣。再加上所有防雨既裝備,令到身一d都唔濕。

我 哋落山既速度快咗好多。雖然環境咁惡劣。12:54 我哋已經落到5公里,雖然咁計都成個鐘有多,不過對比上山,都真係快。同埋雖然d路斜,但係都好似一級級咁,所以其實似行樓梯,唔同富士山既落斜。但計算 過有6公里,如果咁行咪都要行6個鐘,所以不其然我哋又加快速度。13:42 我哋已經落到4公里啦!14:37到達咗3公里既範圍啦!雨仍然係繼續落,雖然中間有試過停一陣,不過都只係好短時間。一路行都見到有人上山,其實我已經 不斷心唸,我哋真係好彩,噚日上山係咁好天既環境下,可以睇到藍天白雲。夜晚落雨落得咁緊要都仲可以上山睇到太陽,而落山呢一刻咁大雨,雖然係好驚滑倒, 但係又另一個景象,例如見到d青蛙仔跳咁啦!

15:24 我哋去到2公里既牌到啦!好勁!真係不斷加快,雖然雙腳已經好攰,但係大家既動力相信係可樂啦、返酒店休息啦、快d完成啦!當然我哋同上山時唯一既情況係 一樣,見到亭就停一停。始終都係要抖抖既。不過去到1公里嗰度,見到最後一個亭我哋都無停底啦!快d行完成埋佢啦!係咁non-stop 咁走啊走,終於見到噚日起步不久時見到既瀑布啦!再行多一陣,見到一條上既樓梯,係終點既閘位見到啦!係呢一刻重遇嗰班香港人,佢哋係度鬧緊點解仲有條長 樓梯,我心唸雖然呢個係事實,不過留返最後一啖氣快d行上去啦!講講講!

最終我哋係16:38行完整個旅







感謝 vi老篤日記 提供以上資料

vi老篤日記的個人網誌: http://vivi-1212.blogspot.hk/








鐘意SeeWide的分享,給我們一個Like吧!
  • 攻略日期:N/A
    攻略地點:沙巴
  • 攻略時間:N/A
    是次消費:N/A
0人比"掂"

最多能輸入300字

累積瀏覽 209428

全部攻略 323

全部回應 5