1:30起身準備繼續向山頂出發。嗰 tour guide 都幾遲先到，所以我哋係旅舍中最遲出發既一批。我哋2:40先出發。出面已經無落雨啦！不過行起上嚟都係好辛苦，可能空氣實在太稀簿啦！我哋都係要行一陣停一停，仲要停親都要坐係地。都唔明點解可以咁辛苦。
一開始行阿per都好似幾唔妥，佢又無食嘢，同我噚日既情況一樣。不過大家都無放棄，繼續行。
係由旅舍開始行，好似一路都要上樓梯咁。當見唔到樓梯既時間，你只係會見到一條繩，因為條路太斜，你只可能用條繩支撐你繼續行。就咁樣行咗成兩個幾鐘。去到一個check point，應該係7公里左右既檢查站。Check 過每個人既登山証，先可以再往上行。
過
咗7公里，其實都差唔多5點既時間。好辛苦好苦咁死"懶"去到8公里既指示牌。不過呢個時候，太陽已經準備出嚟啦！我哋唔係係一個好有利位置，因為右面既
山峰，完全阻住咗見到太陽既機會。而我哋只係睇到天色既變化。不過都真係好靚。係影完8公里嗰牌，同埋影埋天空既顏色後。我哋繼續向羅氏峰出發。
雖然已經望到羅氏峰，但唔知點解又係行得咁辛苦。我相信如果唔係Carol行咗，我一定會跟另一班香港人行到8公里就算！
行咗成9個字先見到寫住8.5公里既牌。雖然亦只係6:30既時間，但天已光了！
Carol 唔知仲咩上咗鍊咁，佢行先半個山，我哋三個仲係下面。呢一刻我真係超辛苦，咩相其實都唔想影，我記得我仲要問阿per，真係上去啊！我好想嘔啊！不過佢叫我嘔，佢話嘔咗舒服。
所以係佢哋爬緊上去既時候，我去咗4千米既高地上嘔，咩麵包無晒，花生醬味就有。嘔完的確好d。咁陳慧敏就同我一起上啦！
![]()
上去既時候，其實大部份人都落山，只係仲有一班人同我哋上去姐！好辛苦咁7:20上到4095米。我第一時間都唔係影相，而係係呢個高點到再嘔。真係勁！嘔完抖抖先影返幾張相。而同我哋一齊上嚟既朋友，原來係上嚟興祝生日，仲勁！仲要帶埋朱古力同熱咖啡。
係嗰山頂玩咗成20分鐘我哋先落山。落山都好辛苦啊！行到返8公里嗰牌又嘔。我真係想講高山症好可怕。
![]()
好慢好慢咁繼續落山，終於係9:05分去返檢查站啦！不過要落到住既旅舍仲有好一段路。
落山真係好辛苦，唔明d路點解咁斜都可以上到，但係落就難到啦！真係要拉住條繩先行到。行咗個幾鐘，去到旅舍前既最後一間小屋，居然落雨
wor！先頭都覺得仲有好快到我哋旅舍，不過唸唸吓，都有晒雨具無理由攪濕自己，所以都著咗件雨衣啦！行多一陣，應該未到11點，終於去返3300米，我
哋住既旅舍啦！
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
