香港公園+幻彩詠香江

星期六原先同 Ivy, Roy, 肥仔去馬鞍山行山，點知接到電話要趕去醫院，睇叔公最後一面。不過其實未去到已經唔係度。估唔到無端端就走咗！

以前同叔公比較近，因為佢又無人無物，多數同我哋見，佢又會同阿嫲一齊住，所以見得幾多。但近呢幾年，佢住老人院，除咗阿爸之外，我哋應該成年先見一兩次，生疏咗！突然唔係度，除咗覺得突然，真係無咩好講啦！

去完醫院，首先要食嘢先，因為成朝都無食過嘢！我去咗油麻地美都食。超多人，雖然大家似慕名嚟，不過都無人影相，攪到我都唔係點攞部機周圍影。食完嘢又好即興約咗Cherry 同我影相，未夠時間，先去旺角行吓先。


約咗去香港公園影相，都差唔多四點。今日都幾熱，公園都算多人。我哋影吓花，影吓鳥都幾開心。仲有嗰個濕晒身既亭。

影完相，我哋落咗去灣仔，睇吓有冇咩相機accessories 先。不過都係無，我只係買咗個 iPhone 充電case。

跟住行返去灣仔碼頭嗰邊，食完嘢就搭船去尖沙咀再影夜景。

我哋今日雖然無腳架，但影夜景都ok。最後仲睇埋幻彩詠香江添！我其實係第一次睇，估唔到呢part 咁out！