睇完鄭伊健,超想睇d舊歌演唱會,所以今次再睇張智霖。
張智霖開三面台,所以嗰位都幾側吓,睇佢嗰樣都睇得唔清楚。同埋唔知係唔係嗰名叫我係外星人呢!佢d衫一d都唔靚,d褲唔知點解條條都咁寛,睇見都想死!最難頂要唱一輪快歌,佢既生硬舞技,真係睇到嘩嘩聲!
歌
方面,不竟唔係好多大hit既歌,所以都有d悶架!同埋佢既編曲麻麻,再失望咗一格。但最攪笑都係佢d貓紙,係control panel
下面,大大隻咁,咩驚喜都無。反而最大既驚喜應該係d
嘉賓,首先有張栢芝,跟住係郭富城,最後真係有許秋怡同佢唱現代愛情故事。不過舊歌真係舊歌,一嚟就已經feel
到嗰「故」氣。再嚟許秋怡係唔係唱得多酒廊啊,唔駛唱到咁誇,以為呂珊上身咁。