講咗好耐既藝術節節目，由等購票到等睇都攪咗好耐，終於係星期二去咗。
一行五人首先去咗九龍城醫肚先，我哋去咗清真牛肉館，可能七點半左右都算早嘅，所以唔駛等位。我哋好似叫咗好多嘢食，最開心可以食到蔥油餅既物體，但又無蔥，其實都似印度薄餅，加埋咖喱一流。食到好飽之後，就行去寨城公園睇今日嗰show。
首
先係門口要排隊分批入去，仲要係門口聽佢講解吓入面，同埋最主要唔俾用閃光燈同埋腳架影相。不過一開始入去覺得似去咗Ocean Park
Halloween
多d，因為係用燈光令到間屋係紅色、亭係綠色、樹又打綠光，你話唔恐佈死啊！最恐佈係間屋入面仲要有黃包車，打埋紅燈，唔知上面坐咩人呢！呢個主題仲要叫
力生，真係唔明。
跟住嗰part叫鈴之花，就係樹到掛咗好多燈咁，又會震發出聲音，呢part都真係幾靚，不過唔用腳架，其實真係幾難影得好。
之後一路行，就有玩光管、玩寫字。仲有一條路係掛晒d衫，加上勁暗既燈光，同埋嗰d類似今夜等我來既歌，唸起都覺得恐怖。
去到一個亭，發現有好多人，原來入面有一個碟咁，聲同畫面都好似火山爆發咁！但睇好特別，影就唔係好影到嗰效果。(不過呢part 嗰名原來叫大海嘯，隔咗幾日寫呢篇文，當堂聽到呢個名都怕怕。)
之後經過一part 有留聲機，其實唔知仲咩，好似有少少唔夾。再行就見到有嗰湖，用風車原理，令到d燈度轉，都幾靚。
再之後係最誇嗰part，有個人係度控制住隻蝸牛，令到放出嚟既話面好對稱，咁樣嚟做出效果真係估唔到。
另一個又係睇得靚，影得唔好既位係盆景重影。佢用光令到羅漢松既影係牆到移來移去，效果好正。
最後就係係嗰湖到有一d火把，不過勁似打碟，但佢今次係用嗰d火把嚟制造聲浪，勁型啦！
今次嗰show都幾特別，只係始終在中國人眼中，太似玩鬼故姐！
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
