PP今日無端端問我睇唔睇鄭伊健,先頭都唸住唔好啦,返學!不過唸唸吓,ivy 都唔返,如果補堂都有人陪,ok
啦!所以就決定睇!可能唔駛錢同埋即興,都叫無咩期望,不過我都好相信佢d歌對我無難度。總共三場演唱會,今日係第一場。我哋坐27行,坐咗一陣見到有記
者狂影,zoom埋去望,見到有蒙家慧、同埋草蜢。
等
到8點9先開show,第一part係一埋電影歌,極速、風雲、天煞孤星,古惑仔等等。non-stop咁唱咗半個鐘,都幾估唔到。跟住就再嚟一part
慢歌,仲要係超正嗰d,有一個為你甘去蹈火海的人,估唔到仲有謝安琪出嚟同佢唱,之後仲有一生愛你一個、甘心替代你、仍能情深愛上等等等等。其實你問我,
我可以話俾你聽我好多首歌都唔記得晒歌名,不過以前d歌有一個特點,就係中間位實唱到個歌名,同埋唔記得名係唔緊要,因為每一首歌都無難度,實識唱。
唱
埋呢part 慢歌,就唱咗人哋d歌,例如我的驕傲、仲有梁詠琪既Today (呢首仲要得第一場有唱。)、友共情。之後我記得有part
係周栢豪出嚟彈結他,唱一d比較rock 既歌。不過呢part
真係唔係好識,最記都只係全城效應。之後就唱咗直至消失天與地同埋動地驚天愛戀過。PP仲要講直至消失天與地係陳松齡死前播既歌,攪到我幾日都唱住呢隻歌
同埋唸起笑看風雲既片段。
最後一Part,再唱埋發現、同一秒、我的歌等。
其實嗰演唱會真係好正,真係集體回憶。亦攪到我買咗飛睇張智霖,唔知佢演唱會會唔會咁正呢?
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/