一d中意睇電影既朋友應該都有留意呢一套關於SteveJobs 一生傳奇既電影。進場前,我都係抱住一個"睇自傳電影"心態(唔expect會有一d驚奇既劇情),而係有睇過Steve Job本書既情況下,整體上黎講,由選角,演繹角色既性格,描寫佢年青時既年代,同內容都算係唔錯(同書既差唔多),總算係描述左Steve Jobs既一生中重要事蹟。
呢部電影主題好勵志同埋發放正能量,講述Steve Jobs同佢朋友創辦APPLE,去左唔同既大學介紹產品,又打左百幾個電話為APPLE公司搵人投資,任受比人CUT線同冷言冷語。最後佢都好成功,當中當然唔少得展現Steve Jobs既才智,有遠見同銷售技巧的人物描繪。一樣野我學到既係,如果你決定行呢一步(雖然有好多人反對你),但你堅持同“ make it great ” , 當你“ make it great ” 既時候,冇人會再反對你。(*堅持是很重要的) 不過當中都展出左Steve Jobs 唔識管理同唔適合 work in group 既缺點,亦都因為咁,合作夥伴離開,同好朋友吵架,甚至佢有一段時間被董事會革職,進入事業既低潮。個刻佢好無奈,諗都冇諗過自己係創辦人,竟然會比一班佢請返黎既董事會革佢職, 當時既佢明白到自己有咩缺點,最後當然佢返去蘋果做啦。不過比人革職既期間,佢明白到"要成功,必需先犧牲"既道理,為左阻止APPLE業績停滯不前,佢最後一一將d對APPLE公司冇用既人都剷除,無論係以前有幾幫得手定係同Steve Jobs幾friend。Steve Jobs既自傳適合好多不同既人,最出名應該就係“ Stay Hungry, Stay foolish ” 對於你係一個想創業既人, 我覺得你應該會幾岩呢句 “ We don't do better, we do differently!” 當你係一個唔了解自己既興趣,唔知自己將來想做d咩,呢句又會唔會幫到你呢? “ How does somebody know what they want if they haven’t even seen it?”最後,唯一既敗筆又或者係最大既敗筆就係源於SteveJobs出名既原因。APPLE既輝煌時代大概係iPhone, iPAD等等呢d蘋果產品,就因為咁,Steve Jobs都受到世界注目。可惜,如果你係為左iPhone, iPAD, iPOD呢段時代而入埸睇呢套電影,SORRY! 呢套可能會令你失望喇!因為導演係呢套戲入面主要係輯錄Steve Jobs既起起跌跌,亦都主要係描述佢點樣創立公司同蘋果初期既歷史,就因為咁,故事未必有效咁吸引觀眾。個人建議,如果可以描述多d iPHONE/iPOD/iPAD個段時期既產品例如點樣構思呢個IDEA, 點樣製作等等(畢竟Steve Jobs都係因為iPHONE/iPOD/iPAD時期而出名),可能會有更多既人喜愛呢部電影。“ Most people never ask, and that’s what separates the people who do things from the people who just dream about them.”
============================================
感謝 nikkixlife 提供以上資料
nikkixlife的網誌: http://www.nikkixlife.com/
============================================