今年係第一年參加馬拉松。以前一直覺得要咁早起身係好辛苦既事。再加上跑步真係好辛苦，氣都喘晒！所以一路都無參加！今年係朋友既推使吓，終於試咗第一次啦！
今日天氣都算凍，得12度，加上會落雨，就算唔落，其實都好濕。所以Jac 同佢老公首先放咗我飛機啦！好在都仲有Per, Carol同Thomas，不過最估唔到三項鐵人既Wing 會放棄。原來真係好多人報咗唔跑，起身去到其實真係已經要俾一tick！
我哋約5點係維園等！點知地鐵叫大家係銅鑼灣落，但又要行到天后入，再要去返中間放行李，跟住再行去天后想東區走廊。真係未開跑已經行嚟行去啦！
我
哋應該5點9開跑，不過5點8離開維園行去興發街，係維園道等過馬路後，已經見人跑啦！所以我哋都誤以為開跑。因為上斜路，同埋大家都預咗分開跑，所以我
哋預係終點見面。點知上到斜路見到熱身區、廁所、同埋飲水，再望吓前面先係起點，咁先發覺而家先起步。好用run keeper
再計吓時，睇吓自己今日幾耐完成先。
![]()
![]()
唔
知係唔係多人跑，令到嗰鬥心出晒嚟呢！今日真係俾平日跑快咗wor。加上無平時嗰隻魔鬼行出嚟，叫我停吓！當然跑得好辛苦，好似無氣時，我都會叫自己慢行
啦，慢行一首歌咁多啦！不過一開始真係跑得辛苦d，好似跑咗好耐先係2公里，再跑好耐先到3咁。但係過咗太古城，好似好快去到筲箕灣U
Turn！其實5, 6 公里都好辛苦，有d 位都係要慢行吓！但過咗7公里後應該無停過，成日提醒自己仲有2點幾公里，所以連8公里嗰版都miss
埋。其實過咗7公里真係用意志去跑，加上落雨，好驚 R柴，同埋跑起都覺得凍啊！開始落東區走廊，再屈去銅鑼灣天橋，我完全係忘我跑，唔理啊,
我希望可以1小時10分完成啊！過咗終點睇返iPhone既計算，真係1小時9分50秒完成，切合呢組既時間。完成到真係好高興，YEAH！
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
