(因為之前去了幾個講座, 為了清一清吓記錄, 一次過出了幾篇blog, 都是同講座有關~~)
有日看剛買回來的雜誌, 發現了這個免費講座~ 雖然地點真係幾遠, 不過都試吓去聽啦~~
今次的講座有2個題目, 第一個是「懷孕前護理」, 不過連講者 (中醫師) 自己都 “抱怨”, 其實去聽的幾乎全部都是準媽媽, 其實已經唔係「懷孕前」, 於是佢唯有講, 大家聽完可以話番俾身邊未有孩子的親戚或朋友聽~ 例如想增加懷孕機會可以用排卵棒、量基礎體溫、人工受孕等方法, 但如果想增加機會, 按體質調理身體就好重要, 當然跟住就係 “暗示” 可以找中醫幫手啦~
所以, 個題目好快就跳去「點樣可以肥B唔肥媽」, 主要由營養師主講, 中醫再補充於中醫角度可吃/避吃的食物~ 營養師都係強調各準媽媽要吸收不同對BB有益的營養, 例如各種維他命、鐵質、DHA等等~ 另外就係跟番飲食金字塔, 多吃五穀類、蔬菜、水果、白肉等, 少吃糖、鹽、油、零食等~ 例如標準BMI的女士 (大約18-22) 只需要增加約20-30磅已足夠, 不用太多, 較肥的女士可以增少啲, 瘦啲的女士就增加多啲~ 最後, 陪月僱問再補充一點資料, 例如坐月時少吃花膠, 才可以有多些母乳, 因為膠質太多會阻塞乳腺~
其實幾位講者都用心演講, 不過內容大多都已經聽過, 就會悶少少, 有些人中途都走咗……而且可能今次的機構第一次舉辦類似的講座, 唔知道好多人都比較現實, 一聽完就走, 除非最後有抽獎, 唔係一講完個個一定走哂…但係個講座講完又有Q&A, 司儀仲叫啲講者同啲觀眾影相, 當然幾乎冇人睬台上發生咩事, 走哂去攞禮物~ 希望它下次的安排可以好啲啦~
又係禮物時間~ 不過唔知係因為今次的題目同營養有關, 定係贊助商深知這個不是它們自己舉辦的講座, 所以禮物很多都是媽媽奶粉~ 由於可以一人攞一袋, 所以淨係牛欄牌媽媽奶粉都有2盒, 有排飲都飲唔哂, 可能要請啲俾其他人飲啦~~
仲有2張$50電子優惠劵, 可以去屈臣氏的網頁上使用, 不過就要買滿300蚊先有送貨...諗吓買咩先, 但如果冇咩啱, 可能都唔會刻意買啦~~
============================================
感謝 helenhlblog 提供以上資料
helenhlblog的網誌: http://helenhlblog.blogspot.hk/
============================================
