約定星期六挑戰另一尖 - 釣魚翁。不過天氣唔好，加上per隻腳唔ok，所以我哋改路線。不過都約咗係西貢等先。亦係咁我哋係西貢食金山粥點先！佢d 粥真係好大碗，佢嗰牛脷蘇加埋嗰炸兩直頭飽到啞。
食完後我哋就行去碼頭，搭巴士去黃石碼頭。點知去到黃石碼頭，發現應該早兩個站落車，所以我哋沿馬路行返去大灘。
由大灘出發，時間已經差不多十二點啦！一路行入去都有d 屋，仲要有人住緊，其實都真係幾唔方便，不過全部都有車！同埋西人居多，可能佢哋真係鍾意大自然啦！
|
|
| 呢棵植物我其實覺得好驚！佢咁多毛，好似動物d爪咁！ |
今日係行條簡單既路，同埋為咗影吓相，所以都行得幾慢。不過天色始終唔係咁好，所以影風景都係麻麻！但係我好努力咁攞住兩部機，完全係一個龍友feel，點都要搵d 植物影吓既！
|
|
| 雖然落重色澤好似久自然，不過我好like，最like d嘢分明！ |
其實前半部沿海岸行都唔係好辛苦。而間中遠望黃石碼頭，都算ok。不過唔算話超靚既景。加上天色白茫茫，失望！
行咗個半鐘去到一個小沙灘，沙又唔靚，仲鬼咁多垃圾。過咗沙灘就開始要上山，估唔到睇書話簡單既落，都會有d辛苦！不過對比平日，始終都算濕濕碎！只係無預姐！
上咗少少山望到西貢同遠處既蚺蛇尖，好舒服。但係白茫茫真係大打折扣。
行到呢度都行咗兩個半鐘，今日進度真係慢，不過要影相係咁啦！同埋天色唔好，行得好唔舒暢啊！
行多4個字應該到咗灣仔，不過無轉入去營地嗰邊，我哋向海下方向行。再行多一陣就見到海下海洋生態中心。慢慢再行吓睇吓嘢，就到咗海下村，可以醫肚lu！
食埋嘢，就帶著疲累既身軀歸家。返到屋企一攪點晒仲要上床眠一眠，今日真係攰到爆！
|
|
| 平時成日俾你界手，影吓你d刺先！ |
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
蚺蛇尖
北潭涌郊遊徑
菠蘿園
菠蘿園
石澳郊野公園
鳳園蝴蝶保育區
水泉澳
鶴咀海岸保護區