德天深度行(二)

6:00 Morning Call
6:30 在酒店2樓食早餐，是

，(有粥、油炸鬼、豬肉包、义燒包、奶皇包、豆沙餅、蛋、奶、豆漿) wow! 中式自助餐，雖然無乜特別，但d野都幾好食，不過好似有d團友唔o係咁喜歡ja。但o係我就食得好開心，跟團難得有全包宴食bor，仲要o係訓醒就有得食。wow! 好飽ar。


7:20 開車去德天瀑布，車程約4hrs。

8:25 去到一個油站停車去休息o下，在路邊有位婆婆買香蕉，我就走上前影相，但其他團友就去買蕉，突然有咁多人買蕉，那婆婆好開心啊!   過了10min再上車出發。

8:45 當車經過了「古潭收費站」，便開始見到好多農田，由車窗望出去，d風景越來越靚，但o係......天色就越來越暗，越來越多霧。

9:55 在「天順旅遊商品城」停車去休息，買小食買野飲，之後再開車走入風景區。車一路行，一路看風景，有

  
11:00 車子開始經過那些特別的景點，不過無停車，經過就當去o左「a.黑水河」、「沙屯疊瀑」、「躍進飛渡」、「b.綠島行雲」、「那板田園」等景點。不過有些地方過o左我都唔知呢。
11:30 在一所民宿內食午飯「特色風味宴」，d團友仲加錢叫多隻農家走地雞，最特別的是炸螞蟻蛋春捲，不過就食左都唔知。食店老板o係我o地食晒佢先至行過來話o個d係炸螞蟻蛋，成枱人都即刻登大隻眼望住老板，但o係又無聲出，唔知d人o係咪驚食o左會肚痛呢。

12:40 終於到了「德天跨國大瀑布風景區」，一入去先坐電動車($5一人)上瀑布頂、界碑，界碑有好多商販在買藥油、香水、越南紙幣、工藝品、連

，在風景區買遊客紀念品o既地方買拖鞋，我都o係第一次見，真o係得意。

在界碑影完相便繼續沿小路往前去，走到瀑布頂層，雖然水唔算多，但影出來效果總算是唔錯。
 
走返出大路跟著路走，落樓梯，往瀑布底河邊，見有團友坐竹筏出去遊河，即刻沖上去照跟，竹筏出到去河中間瀑布前面停留，嘩! 雖然水唔多，但d水聲好大好震撼ar! 我地幾個人忙著影相、拍片，好快就要返上岸，因為快要夠鐘上車，如果唔o係就可以留耐d。由於時間唔o係多所以全程都在跑走行、跑走行，邊行邊影，真o係好倦喔!
 
 
      
14:30 離開德天瀑布，去明仕田園(約45min車程)。