4月9日 晴
![]()
今天是梅窩
洪聖誕節最後的一天, 原本還在考慮是否走進梅窩看看的我, 也因為這晴朗的天空而決定去梅窩走一走。
去到中環港外線碼頭, 哈! 剛好有船唔使等。拿出一百個大洋去買船票, 嘩! 那售票員找回六十幾蚊比我,
![]()
wow! 乜~~~原來搭船去梅窩要
$32.00蚊咁貴。
![]()
走到船內, 遊人唔多, 心想'不妙la'唔通梅窩裡面無野睇, 點解咁少人入去ga。船開la, 全程要40分鐘, 只好在船上無聊地坐坐。
![]()
船開到了梅窩, 落船, 看見天氣很好有少少陽光 少少微風, 感覺好舒服。奇怪! 在碼頭範圍感受唔到有什麼節日氣氛。在碼頭往右邊走, 經過那熟食市場才見到一個洪聖誕大花牌, 繼續向銀礦灣那方向行, 去到銀河見到有人在售賣水燈, 睇睇看~~那水燈售價$100,
![]()
呵呵~~我都唔知o係"
平"定o係"
貴"lu. 在查問後, 原來今天只有在晚上7:00pm才有放水燈和放孔明燈等節目, 只好先遊覽一o下梅窩la。反正都已經好多年無來過。
在銀河旁邊就是梅窩市集, 有好多大排檔但以買小食為多, 有d還是村民自製的家鄉小食。
![]()
離開市集, 深入梅窩村落, 走訪一o下梅窩ge風景區。既然o係洪聖誕, 咁就先去探訪o下洪聖古廟la。
![]()
走小路, 找路牌, 在靚靚天空下, 找到了銀礦灣瀑布, wow! 失望, 瀑布無水, 好似一條小溪咁。
銀礦洞, 在洞口的簡介所說, 銀礦洞在早年曾經出產過銀, 後來因銀礦質素欠佳而停止開探. 但那洞已封閉不能深入參觀。
參觀完銀礦洞, 便回頭走, 繼續旅程
->白銀鄉->文武廟
銀礦灣的一角 - 回程途經銀礦灣, 順手隨拍留個記念。
下午5:30天色開始轉暗, 回到市集找小吃, 行o左一整天相腳好軟好倦, 在銀河旁邊找個位置坐下來等夠鐘睇放水燈. 在等候期間, 見到其他拍友, 人數唔算多估計只有幾十而已, 他們也沒有什麼特別大炮, 那時天已黑, 我開動自己的相機試拍一o下, 噢~~天呀! 我那300mm鏡頭, iso800, F4.9, 拍出來的水燈就像螢火蟲般得一細點光, 而且因水燈會隨水漂流, 慢快門 長時間曝光, 通通不能用,
![]()
眼見其他拍友還裝上三腳架, 心想"他們在拍什麼"呢。
時間秒秒的過, 水面ge燈越來越多。哈哈! 那些拍友終於有所行動, 紛紛
爬出欄杆走落去最近
水邊ge位置,
![]()
(好驚險ar) 佢地終於開工做野la, 我當然也要學佢地一樣沖o左落去影到夠為止, 不過...... 始終因為光圈唔夠大, 引至快門比較慢, 拍出來的多是鬆同蒙, 仲要o係under.
失敗!
影唔到正常靚靚o既水燈, 唯有影d古怪特別o既相la, 一於影蒙查查o既" 光波波 " la。
下面喱張o係用2張相合體而成ga, 一張是光波波, 另一張是水燈。唔知大家對喱張相有乜野感覺呢。
請按 (這裡) 進入相簿睇睇其他梅窩相片
後記: 今次影梅窩水燈, 非常失敗, 原因是沒有大光圈鏡頭, 相機無防手震, 無可用的高iso, 在這惡劣環境, 證實了那些貴價野的身價是物有所值. 如果比我拿著支 70-300mm 2.8f APO 咁一定會有更多靚相睇lo.
![]()
(下次我都未必會再去lu)
加多一張相先, 喱張是開了閃光燈影的, d花花影得好清楚, 但是個畫面就無乜feel.
1/20S 5f iso400 手動+閃光燈
![]()
旅遊日誌 - 韓國紅葉
梅窩洪聖古廟
G-fit
元朗橫洲二聖宮
張氏宗祠
鄧氏宗祠 (屏山)
沙田車公廟
屏山愈喬二公祠
慈山寺