記得去越南途中就是山下智久開買既時候,幾辛苦先搵到人幫我買,最後都只係買到加開既日場。
星期日去完文武廟還神,就要趕去九龍灣啦!去到啱啱好3點,咩紀念品都買唔到就要入場!我坐第二區,估唔到係咁前,係T字台既右邊。入到去,只係放底d嘢就開場。不過一開場,所有人企晒起身,仲湧晒去添!當然我都唔執輸。不過好可惜我冇帶紅色螢光棒,又趕唔切買扇,好嬲!
全場迫咗埋右邊,其實都好前,睇得好清楚。就算佢企係台,我哋又企晒起身都睇得好ok。最正係嗰個吊臂,佢完全係我頭蓋上飛過!再近d,清楚d!
佢
差唔多唱足兩個鐘,不過最悶可以算係介紹佢師弟ABCZ,唔知想點,同埋嗰翻譯講嘢亦好差。兩個鐘都唱咗好多大碟既歌,估唔到佢有唱「青春アミーゴ」添!
五點幾完場,出到去,又有嘢賣啦!我當然要排隊買返本場刊同扇啦!最衰唔可以攞住把扇睇拉!唔係更high!但本場刊都幾貴,$200。不過扇算平
啦$50 ok。但唸返起都唔明點解以前可以買咁多場刊同扇,我唸我床下底既扇超過十把!哈哈哈哈!
後記:星期一返到公司,隔離位同事同另一山下智久fans一齊傾計,個師奶fans超開心,勁話好睇,又話買唔到場刊。但最勁佢居然話如果佢有份被問問
題,佢就唔會握手咁簡單,佢要抱抱。呢句說話令到我哋全行既人都聽到,驚爆!最勁係佢講佢嗰仔係like Mr.
Children,咁都有返咁上下大,唔好發癲啦!真係好難頂啊!雖然佢一開始講山下智久,甚至佢講唔出Arashi d
名時我都好想搭口,但好在最後都忍住,我真係頂唔順d咁瘋癲既師奶fans。
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/