因為Carol抽中相機，同埋Cherry 買咗新相機，所以攪咗一日影相團。最後阿per都有去，仲揸車添，好嘢！
![]()
我哋3點幾泊好車就行去茶果嶺，係茶果嶺村行咗幾轉都轉唔到上去。最後都要問人先得，不過條路真係好隱避，要入咗廢紙場，先見到條路。而條路唔係有人帶住應該唔會入，因為有成4,5隻狗等你，幾兇啊！連帶路哋嗰村民都話有d 驚。
我哋一路沿路行，其實條路好明顯有人行過，但真係好隱避，又要避狗，又要踩草先搵到。
我哋一嚟已經好開心咁係度影。加上呢日天色真係好好，仲要有雲啊！我真係好like咁既藍天白雲，愛死！
影完一輪繼續向前行，終於發現咗好大片既草地。真係好靚，好唔似香港啊！
我
哋係度影咗好耐，不過影影吓有班人出現，原來係拍戲。我哋都估唔到無線電視真係咁認真，居然係懸崖度拍。雖然唔係主角係替身，但係著住對咁既布鞋，跟住係
度抓來抓去，真係睇見都驚！攪完一輪，仲要掉咗兩個假人落嚟！就係一男一女啦，不過嗰女假人，停咗係d石縫，攞唔返，仲要聽到十埋粗口話點解咁，要報銷，
道具組要攪攪佢！不過又真係慘，連戲麻，d衫同埋d飾物咁多，偏偏仲要係女人。哈哈！
睇完拍戲，我哋跟咗d人行咗去嗰懸崖嗰邊睇吓，呢度真係官地，佢哋話要鎖門，我哋話我哋沿路走，所以好快咁影日落，如果唔係太黑走唔到！今日既日落真係好靚，仲要水中既倒影，美極！
出返去，又俾狗欄路，好在又有好心既村民，帶我哋離開！不過呢條村真係好多狗，仲要係惡嗰隻，真係怕怕！
出返嚟，行返去地鐵站都天黑，影唔到廢廠房。所以最好都係食嘢！我哋行去鯉魚門。不過我哋都去到村尾影吓夜景先，不竟有帶腳架！不過一比對阿per 嗰枝，覺得枝腳架好矮，同埋唔穩，所以影既相唔夠定！唯有控制快門玩吓水流變化啦。
