呢3個月真係連住咁去Macau。不過次次都有唔同主題，第一次去玩定向，第二次係睇水舞間，第三次就係玩完定向覺得有d景點好正，要嚟回味同埋停步影相。
一
行五個人出發搭十點船由上環到澳門氹仔。落船後，我哋搭咗免費車去咗威尼斯人先，跟住就過去氹仔市集嗰邊。首先我哋去咗食譚家魚翅。呢度我第一次嚟，完全
唔知呢度都有cheap翅食。我叫咗菜膽翅同鮑魚仔，都係80蚊左右，我嗰午餐幾豪。食完又行咗去隔嚟食大利來豬扒飽。當然未到三點無豬仔包，所以我只好
選揀配甜餐飽，佢哋亦有人試菠蘿飽。不過配菠蘿飽d豬扒味搶晒！但係甜餐包，嗰包又超凍，一d都唔好味！
食完嘢，我哋入咗去手信街買晃記肉切酥，點知未出爐，只好買雞仔餅同金錢餅！買完坐的士去黑沙海灘。雖然今日又係好凍，但係有太陽都可以接受到！其實呢個海灘真係無咩嘢睇！真係行吓、hea 吓！同埋影吓相！
離開後就去咗路環。其實路環真係嚟咗好多次！不過真係唔明點解次次都有人話未嚟過！不過今次又真係行得好detail，俾有次同阿媽行，仲行得多添！我哋行咗成個鐘，由海邊行入去，到譚公廟，再由上巷出返迴旋處，一個鐘，你話幾勁！食埋葡撻搭車出返澳門啦！
不過的士真係見唔到，只好搭巴士去到新葡京再轉的士上西望洋。即係主教山。係我印象中無去過lor！雖然入唔到去教堂，但係嗰感覺好舒服，上去既小小斜路，望見旅遊塔，效果好靚，返而上到去望既大廈群就麻麻！
離開主教山，我哋就去咗鄭家大宅。呢度真係無咩特別，只係一間好舊式既中國式大宅！仲要入面有d位無傢俬添！返大陸睇呢d真係靚同正十倍！
由
鄭家大宅出嚟係小路，一路都無的士，最後一路行行行，居然係出返去媽閣廟。係度都要等咗幾耐先上到的士到東望洋燈塔。不過燈塔原來維修無開！唯由係門外影
吓相，影完一輪，我哋就行落山，不過去到一個廣場既地方，都發覺時間太緊迫，同埋肚餓，所以只好食嘢！今次我哋都係book唔到船屋，只好去海灣。食完葡
國嘢就食六記食蝦子麵。當然跟住落手信街啦！好快咁買完手信，再去埋保健牛奶，我哋就行返去新葡京搭免費車出碼頭！估到真係要玩足13個鐘！
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
