由越南返嚟後，日日都變得寒冷。星期六係唸住踩單車，正為著咩衫要煩惱之際，居然有人話太凍唔好踩，咁我亦只可放棄今日既活動。係重返被窩時亦唸吓今日做咩好呢！心裡即刻想行山，但人腳，難找。睇戲啦！有兩張李小龍贈劵，好！
點知起身時已經11點幾，睇吓d戲院，全部得午夜場，放棄吧！今晚媽子唔駛煮飯，出街做節，所以最後同媽咪上山頂。
![]()
不過我哋首先係深水埗醫肚先，我哋去咗米芝蓮有提到既泰潮食海南雞飯。食完飯就過咗去中環置地行咗一圈。之後就已經要係麥記食嘢啦！跟住先正式開始起行! 首先行雲咸街上山，跟住過動植物公園。都唔記得幾耐無去過動植物公園。少少認知都無。望見嗰籠，影相都唔多影到！
![]()
過咗動植物公園就行咗去舊山頂道，要過埋曉峰園就見到條山路上山頂。係呢度上去原來半個鐘姐！不過條路好斜，星期六既天氣都熱到想死！果然好快，跟住就見到纜車，原來呢個係白加道站。行多一陣再經芬梨徑就已經上到山頂。
上山頂廣場，見到好大間翠華，跟住就有麥奀，又食嘢！隊咗嗰雲吞麵。食完行咗一陣就搭車走lu。跟住就落返IFC，又係度行一陣，之後搭船過返尖咀。又食晚飯。
