![]()
頭
頓既酒店真係好有大陸feel，
唔知係唔係咁攪到我成晚瞓唔著呢！所以只好自己煲劇同埋等日出。天氣唔算好，見到間中閃電，所以日出，日係邊都未知。仲要唸住係酒店房嗰露台望，都見唔到
太陽，開嗰指南針，先發現望西，唔怪得知咩都睇唔到，而D雲層又唔算多，所以影出嚟都唔靚。
攪
咗一輪，都係時候食早餐。食完我哋去第一個景點 ﹣
耶穌山。其實係酒店房遠望都見到，去到要行七百幾級樓梯上去，行就唔甘啊，不過熱lor。上到去又話耶穌身可以入去，點知閂門，上唔到去，咁架！轉咗三轉
落返去，但行咗一part樓梯後，見到有人係耶穌頂啦！所以我哋又返轉頭上去。入面D石梯好窄，真係一個人，不過同一條梯要上落，勁迫咁你上我下咁走走
走！
上到最頂係耶蘇肩膀，不過嗰位都係企得三個人，影咗一陣相就走啦！跟住再沿路行返幾百級樓梯，行完全身濕晒。
另一景點 ﹣ 鯨魚廟，話說係有條鯨魚上唔返岸，死咗係海灘，葬咗之後，五年攞返出嚟，將駭骨放係廟供奉。聽完都覺得不可思議，不過景點麻，咪照去lor。
去完之後就玩三輪車，係每人一架，坐係前面去睇吓週圍環境。全個車程坐咗一粒鐘。由一上車落微雨，到之後陽光普照。跟住係有時間俾我哋返酒店再沖涼。我就落咗去海灘行吓先。唔算好特別。影咗幾張相就離開啦！
![]()
食
飯都繼續係頭頓，食完之後先坐返三個鐘頭車出胡志明市。由我哋上車落雨到沿途都係咁落。D爛既公路更爛，同埋積晒水。最攪笑係之前兩日，導遊先講而家嚟越
南超好，過咗雨季，又唔太熱，點知今日大雨到呢！
不過我哋都好幸運，去到胡志明市，雖然週圍都係積水，但係已經有太陽。我哋繼續我哋行程。買嘢既時間開始，咩工藝品、土產店，之後就去總統府、市政廳、胡
志明像、歌劇院門前影相。影完就帶我哋去食雪糕。之後就放我哋去古董大街。不過都無嘢啱睇，就算行咗去百盛都唔係咁啱。都係影吓相算啦！
到咗當地時間七點幾、八點，終於可以食晚餐。間餐廳有好大個公園，要坐車先入到去。食埋飯就返酒店。不過博到最後既我，要求出嚟食個濛粉先。雖然係勁飽，點都要食返次架。雖然間嘢話克林頓都嚟過，但係牛肉都係好似牛展。到底係咁or 平時香港既唔正宗。
食完之後，返到酒店，成個行程都真係完結。好似呢五日玩得好快咁，可能無晒D頭尾真係快得好緊要。同埋雖然人在越南，但成日覺得去泰國會玩得更開心同埋正lor。攪到而家超想去，點算？
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
