第三日 ﹣ 越南之旅
![]()
今日仍然都係好早出發。又要坐成個半鐘去到古芝地道。呢度係共產黨打美軍既陣形。最主要係有條好深同好長既地道。介紹咗以前既地道、點形成啊！亦有軍人示範點入好窄既地洞。之後再睇吓D武器。
有嗰位可以俾我哋試吓真鎗射擊，其實我都幾想試，不過真係好大聲，耳都聾，所以無試啦！再向前行，就到我哋自己試吓入地洞。入面無想像中咁細，可能我實在太矮。所以唔係行得好辛苦。我哋行咗40米就出嚟啦！9個人得我同車厘行咗40米，佢哋20米就走啦，甚至無入去啦！
行完又真係幾熱既！不過都無嘢再行啦！只係俾我哋試吓D木薯，跟住我哋就離開。離開又坐返個半鐘車去胡志明市。今日食午飯係BUFFET，不過超差。同大
陸人搶食咁！又無嘢食，我哋酒店既早餐好食同埋多嘢食十倍LOR。食完飯又要坐車，今次坐3個幾鐘去頭頓。雖然坐咁耐，又係嗰句，瞓唔到，「登」餐死!都
唔明點解D路咁差，係車細OR路差，差過去絲路條路LOR。如果係陳慧敏嚟，佢應該每日都嘔啦！食暈浪丸都無用。
雖然中間停咗一停，不過都真係坐咗一個下晝先嚟到。嚟到放底咗我哋係酒店一陣。呢間酒店差好多，勝在有FREE WIFI。俾我哋半個鐘，我哋就係房上網，不過越南去唔到Facebook，真係唔係好得。但for我，update吓blog已經好OK。
跟住我哋出去食飯，今日有蠔、大頭蝦、魚、蟹等，都算OK。食完再去咗隔離商場，但係放我哋3個字都覺得多啊。好在有個超市姐！跟住就話行吓夜市，大家見到都唔想行，寧願返酒店，你話呢度幾鄉下。
返到酒店，我叫咗車厘落樓下再食少少嘢！問心今餐真係唔係好飽，好想再食嘢。食吓嘢飲吓嘢之後先返房，跟住就係咁慢慢攪上網。
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
