跟旅行團真係要超早起身，8點就話要出發。今日一早要去美拖市。坐個半鐘頭車。話就玩行高速公路，但都唔明點解D路咁爛，完全係「登」到痴肺，瞓都瞓唔到。
去
到美拖嗰碼頭後，就坐船遊湄公河，不過好快就上岸去椰子島，其實嗰島無嘢睇，只係有嗰癲佬曾經係度稱王咁！行完又坐返嗰架船去泰山島，首先飲蜂蜜，不過杯
蜂蜜加嗰柑桔，飲兩口就放棄，不過已經係突破啦！跟住再係島到行，去買椰子糖，即食熱辣辣好好味咁，所以都買咗幾包做手信。之後再係島到食生果，免為其難
食咗木瓜同龍眼。食完就坐D小艇出去，不過條河超窄，但係有好多好多首船一齊行，真係危險，仲可能會攪濕添！返去架船，然後到返碼頭 就離開啦！
![]()
跟
住到中午飯，最特別應該食咗條炸魚同埋炸煎堆既物體。不過唔知點解我又好飽，連我最like既飯蓋都無開過。食完又坐返個半鐘出去胡志明市。首先一嚟去咗
華人區既天后廟。落車真係唔覺嗰度係天后廟，似入去一間大廈既門口。入到去就似會館，再入先見到天后廟。我無影寺廟既習慣，不過見嚟到，所以先影幾張，不
過都係D��瓦姐！
離開之後就去咗戰爭博物館。雖然有入去，不過我咩都唔敢望，實在太恐佈。跟住去聖母大教堂同埋百年郵政大樓。問心兩個建築都幾靚。但係我覺得徐家匯同埋上
海嗰舊郵政大廈更正lor！跟住再去埋附近既diamond
plaza。嘩！不過呢嗰百貨公司真係無嘢啱！超快已經行完，等上旅遊巴，再車我哋去睇水木偶。
水
木偶，其實for我真係唔係咁like，因為好憎木偶既恐佈樣。今次仲要坐第一行，仲要俾嗰D污水整濕添。十級憎！整個表演大約五十分鐘左右，
都算去得好快。跟住就到食晚飯。今餐晚飯咩皇帝餐，其實都無咩特別，但今餐實在太肚餓，咩都唔理，照食，包括滿芫茜既春卷同埋米線。食完返酒店跟住去夜
市，但係我哋噚日都行咗啦！所以領願飲杯咖啡醒醒好過。跟住再集合按摩，按摩真係要講句超差。同返大陸無分別，真係難頂到震，雖然按嗰個都夠大，但佢超多
嘢講，又唔願做咁，再加埋嗰環境，我就憎爆，超失望，生日都唔可以好D，唔介意錢，都無好嘢俾。
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
