其實澳門真係唔駛寫4 parts，好明顯發花癲！
![]()
星期日陪我早起既朋友得sue，好多謝佢陪我去飲早茶。當然係去舊式茶樓啦！我哋仲俾想像中早出發。其實一路都好想去，由朱家聰當年去嗰時想到而家，不過好明顯都唔係為食，係影吓d舊相姐。不過缺陷無雀籠係度。sue真係齋陪我，明知佢最憎飲茶都嚟，真係多謝晒！
食完我哋仲有時間，所以經過紅街市，又去三盞燈。仲要經過一個叫盧廉若公園。跟住我哋先搭的士去返大利來。去到時，最估唔到佢兩個已經食完嘢！好在我哋都無遲姐。我呢刻都好飽，食唔到豬扒，所以只係要咗茶走同埋魚蛋。第一次係度食魚蛋，真係幾彈牙wor！
食完就去咗龍環葡韻，好明顯又係為咗影相啦！當中都有提到，我記得第一次去時，對面都未有威尼斯人，仲係好鄉村，只係得個荷花塘，但之後每一次嚟對面d樓就越嚟越高同埋越嚟越多。澳門可能俾香港變化得更快。
影完相，行返出去搭車走啦！我哋去咗議事堂，仲入咗去民政處影相。跟住行咗d横街，再去返十月初五日街食嘢！不過唔知點解無胃口，但佢哋三個就係度食。(聞所未聞既事！)
