睇
完水舞間,我哋就要搭的士去黑沙海灘食法蘭度。雖然好快就到,不過勁多人要等位。等位時已經急不及待要飲嘢同埋食薯條啦!足足坐咗係出面一個鐘先有位。入
到去又即刻叫嘢食啦!食乳豬啦、仲有沙甸魚、沙律、燒牛肉!而亦有叫Sangria,不過一個橙味酒,我緊係唔飲啦!所以我要咗嗰紅酒。 d
嘢食都幾快嚟到,其實我哋亦都食得幾快。好似食咗一個鐘我哋就走啦!
食
完就搭的士唸住出返澳門,不過我同大家講話想去路環,所以叫佢係路環停一停。我未試過夜晚去,黃色街燈下,感覺真係唔錯。當然最佳景點仍然係圖書館同埋教
堂啦!影咗一陣準備走,點知的士司機仲心急過我哋,仲好添!唔駛行返咁多路。不過一提,呢個司機真係超攪笑,最攪笑係過氹仔大橋,維珍又瞓啦!我哋係度伸
部機去影相,司機都唔出聲,到佢醒咗先講嘢!真係配合晒!
我
哋去咗大三巴先!估唔到十點姐,嗰大三巴已經熄咗嗰白燈啦!同埋周圍都唔係好多人。影咗一輪相,又落返去議事亭啦!最正都係嗰條特色街,又係無咩人!可以
狂影!離開呢度,我哋就去咗食六記,不過中間經過牛什檔,旅遊書都勁讚,又排晒隊。點知都唔好食,特別嗰個魚蛋,超差!去到六記都唔算要等位,不過就好
飽,所以只係叫咗蝦子麵,同埋炸鴛鴦。食完就即刻飛的返Hard Rock!都唔係,中間仲要停底去咗超市買酒返房飲,真係癲爆!
兩點我哋就瞓啦!雖然張床好大,不過我又瞓唔著添!攪咗個幾鐘先瞓得著,唯由用手機解悶。其實應該係呢個時間攞部機影相,miss 晒添!
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/