攪咗好耐既澳門水舞間之旅終於起行啦。
搭十一點既船居然約十點去到碼頭等添！當然好明顯驚有人遲到啦！不過咁攪，都令到我早咗起身同埋要早d出門，所以準時去到。係starbuck 等齊人出發。
![]()
我哋一落船就搭的士去船屋食飯。點知船屋超多人，所以我哋去咗前面既海灣。海灣我第一次嚟食，可能比較大，唔駛等。環境都唔錯。無食早餐既我，當然要食多D先得啦！而sue 就當然話要飲杯添啦！佢有一日監放wor。我哋呢餐叫咗5樣嘢加一枝白酒，都幾滿足。
離開後唸住搭的士去氹仔啦！點知一架的士都無，所以最後要搭巴士。而巴士就去新馬路，所以我哋又改變咗主意，去咗手信街食保健牛奶先。呢度應該係維珍要求，不過上次嚟已經食咗，我唸佢會代替咗義順(在我心中)。
![]()
食
完甜品飽飽地，我哋行咗去十月初五日街。上次都有行，不過我的確唸唔到有咩好行，所以繼續去，唔緊要啦！人物唔同麻。亦係咁我就搵洪韾椰子雪糕食。我好
like椰子架，不過呢個椰子雪糕就普通咗d啦！加上用發泡膠杯，嗰面唔凍仲要"痴lup lup"
唸起嗰感覺就唔好啦！食埋嗰雪糕真係飽，無辦法食豆腐添！
食完就搭車去氹仔，當然唔會見到的士，反而有巴士，勁追添！估唔到我哋咁慳要搭巴士。不過去新濠天地，搭巴士都好快姐！去到我哋就攞房，同埋攞定水舞間啲飛。係房到放底d嘢就要準備睇show lu。
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
