阿爸辛苦排隊買返嚟既飛，令我星期三都可以入去參觀清明上河圖。放咗工，係鰂魚涌食埋嘢就搭機鐵過去！
![]()
我張飛其實係9點先可以入場，我哋8點3、4個字已經去到，周圍都好多人。仲要有好多年紀大既朋友。大約8點9排隊入場，一開始睇咗d講解，超多人啦！而d講解亦好多字，更加令到我好唔想望。介紹完就入去睇幅畫，雖然未至於嘩嘩聲！不過都真係好大。
![]()
我
哋由右慢慢行去睇左邊。先頭以為企係好位，係欄杆第一行，點知前面d人行得好慢，慢到睇咗兩轉日出，都只係企係郊區。所以好快急步行上前。不過其實都唔係
行前好多，又塞。今次仲要睇咗4次，唯有好仔細咁睇吓張畫d人飲酒既情況。不過嗰把聲真係好嘈。真係唔覺有咁既需要。終於繼續行一步停步既部速向畫既中間
行。中間有好出名嗰隻豬。個個就係停晒係度睇隻豬，攪到行唔到。其實隻豬係後加，問心我真係唔覺得特別，仲要破壞原著添！不過個個都睇我又唔會唔望，死都
望吓，仲錄埋佢添！
停
咗係中間太耐，睇完隻豬都已經去咗一半時間有多。我同車厘已經唔想再迫係前面睇啦！因為條路真係塞爆咗！不過要走出人群，都好辛苦同好耐。最後係就係去咗
後面睇，不過間大酒樓，就真係無機會細讀，所以其實浪費咗。不過都真係睇足咗一粒鐘先行出去，出到去已經由好飽變得好肚餓。不過搭機鐵無得食嘢啦！
睇完整幅畫都覺得不外如事，可能我會比較喜歡見到真跡多d，而且總覺得有d 位畫蛇添足，同埋似睇一個動畫多個睇一張古畫，所以我只感覺普通。不過因為轉咗形式表達，即刻令好多唔睇歷史既人都去欣賞，都算係文化推廣啊！
