![]()
呢
期實在太忙，遲咗一個星期先講返上星期六既嘢！今年已經係第四年參加Orbis，呢四年玩既路線都好唔同，所以先令到我有興趣玩落去。不過今年最特別，因
為唔係個人參與，而係組Group玩。不停叫人，最後係有12個人玩，又唔知點解我係領隊，超攪笑。我哋亦為咗嗰造型大奬，而買咗萬聖節既黑袍，同埋眼
罩。好似變咗Phantom of the Opera 咁。當然我唔係為咗驘啦！不過組Group有樣唔好，要9點幾就去報到，跟住攪到開始起行都已經係11點9，未行都企咗三個鐘都咪話唔甘。
我哋係球場報到之後，其他時間都係自己十幾人狂影相。不過當中都有做吓Orbis訪問，好期待佢條片啊！
![]()
11
點9我哋開始起行，不過一開始就唔順啦！因為出口好窄，攪好耐先可以散咁D人。由葵興球場開始起行，一路行既路都唔知邊度，唔知去咗咩工廠區 ，
行咗成粒鐘先出返楊屋道，見到如心廣場，先知自已去咗荃灣。不過行去西鐵站，再過埋麗城好似用咗好耐時間。因為成點半左右先到。跟住勁無嘢睇咁行行行。加
上條路超窄，平排只可以行兩個人lor，條路寛D啦！又會有樹係中間。就係咁，行得好慢好慢，又過唔到頭。問心條路真係唔算好辛苦，有冇勁斜嗰D路！不過
太迫，攪到行咗好耐。補給、廁所又唔夠多。呢條路唔適合再行。
![]()
我哋慢慢傾計，係咁行行行， 用咗6個鐘頭以上先去到黄金海岸，超耐。原先唸住影日出，點知黄金海岸望西，加上去到影一影相已經天光，咩雲層、天色都無再影啦！不過我哋又好無聊要再做訪問，我又好待呢條片，唔知前後嗰樣有冇殘到呢！
做完訪問我哋都離去lu。不過值得一記，我走時選擇搭小巴返屋企，點知唔駛4個字就返到屋企。好記得7點3前。我相信我沖完涼，some teamates 仍然在回家旅途中。真係好正！開洗衣機洗埋衫、upload埋D相，9點都瞓得。勁enjoy！
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
