我哋6點4就離開公司,唸住7點前去到,可以買一送一,多一杯啤酒。點知都趕唔切。不過我哋都叫早,可以揀嗰好位坐。4個嚟先,都忍唔住要叫碟嘢食先。我 哋飲咗第一輪,到8點佢哋三個就嚟埋啦!我哋當然第一時間要買嘢食先,其實買嘢食都幾似去food court 咁。同埋唔平之中,又無話特別好食or唔好食。不過無服務下就覺得貴咗D啦!
我 哋食緊嘢時,嗰show都開始,不過唔知點解唱嚟唱去都好似嗰首歌咁。而坐係入面,近band既氣氛好d,不過嗰d枱係俾公司book晒。但係我哋行吓入 去,感受吓氣氛都ok。係狂食完一輪, 最重要係狂飲,係呢part真係要多謝thomas,原先唸住$550都要買嗰十杯一筒。點知佢用我哋d入場卷,由一杯換咗一榨,攪到我哋由頭到尾只係用 咗$70,就飲咗5榨。正爆!果然真係去咗啤酒節。
而表演進入尾升,果然同ivy講既一樣,表演嗰d人會脫衣架!都幾攪笑。我同rachel仲閃到鬼前咁前影相添!
去到呢度,今晚節目都完,我哋飲多杯,跟住就影張大合照就走!7個人,一個養魚,一個飲咗兩杯。剩返五個人飲咗剩返嗰d,都咪話唔多。不過真係好開心。夜景又靚!
感謝 vi老篤日記 提供以上資料 vi老篤日記的個人網誌: http://vivi-1212.blogspot.hk/
|