8點半企圖去到金紫荊等，點知遲到，成40分先到。令到carol 同kandrew 久等添！
![]()
好快9點05分，我哋第二組就開始啦！其實第二組，係講緊全部四人賽都開始。攪到全部黃色衫既人一齊湧去中環。
每組攞住呢兩張地圖，但係一張無字既地圖，完全唔知係邊度嚟，所以只係死跟，係咁跟住kandrew話遮打花園、蘭桂芳、永利街等等，係咁係中環、上環上上落落。問心真係唔知有d做咩，只係覺得，如果可以攞住部相機影影影，應該幾好玩。因為咁行法真係好少。
去到後尾嗰我哋希望係限時跑多兩個point，所以由上環尾，跑入巴士廠後，再由呢度跑去西港城投注站附近嗰point，係11:35分前去到港澳碼頭拍機。真係遲多少少都唔得。跑完嗰程攪到成身汗添！
搭
船嗰刻真係好，船飛又唔駛自己錢，仲可以抖抖添！去到澳門，出咗碼頭後，又開始攞份澳門地圖玩啦！澳門仲複雜，因為d橫街窄巷仲多。我哋唸住行既第一個
point已經行錯咗，仲要係錯得好離譜，一嚟已經miss 咗3個points。所以跟住我哋行既路就以大路為主，因為再信唔過佢d
橫街啦！不過我哋咁行好似行咗大半個澳門咁，我哋一開始行嗰d路，係好地道澳門人住嗰d，仲要係工廠區添！跟住行到去消防博物館，又去到澳門大會堂，再去
埋葡京，跟住仲要行覺得最雜嗰區，咩財神酒店、回力嗰頭。最後去返漁人碼頭。時間都係啱啱好！
唸住係漁人碼頭有餐好食，點知要坐係羅馬斗獸場，仲要搶食，最憎！所以都唔算食咗好多！坐咗成個幾鐘，睇埋d頒獎儀式，就排隊攞船飛同埋獎牌，跟住先開始我哋既澳門之旅。
今
次玩呢個定向，同以前玩野外定向真係好唔同，因為唔駛睇指南針，你熟路就得，同埋睇澳門嗰d橫街真係睇得想死，不過亦係咁先第一次發覺澳門真係好細，有心
行，真係行一行已經會行完啦！我同kendrew已經約埋vivien同埋ivy 話要再嚟影相啦！希望到時可以影到更多澳門地道相同埋靚景先！
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
