今次係文化中心，我買咗上層既正中，不過文化中心都真係太大，其實睇得唔清楚。不過都ok既，因為我睇劇情多d。噚日套劇係講買屋，其實引伸去幸福。真係最易明。而佢無論係大陸、台灣甚至係香港做，都會好有共鳴，因為啲樓已經係天價啦！小市民買唔到樓，就無幸福咁！
雖然劇情係好易明啊！不過今次套戲真係好長！片長三小時十五分，加埋中間嗰Break，都三個半鐘啦！跟住呢長係尾場，又要嚟一輪講嘢先！（其實尾唔尾場都要講嘢。）攪到十一點幾先走， 真係坐到呆咗！
點解講話劇情唔得呢！呢套戲好平淡啊！平淡到無起伏。又冇D高潮位。上套唔係張艾嘉，加上係何韻詩，間中又爆兩句廣東話，再加上全體係度跳sorry sorry，再嚟林依晨唱埋nobody。咩眼瞓都跌走咗啦！ 而第一套，王耀慶拉小綜跳樓嗰一刻，俾D聲嚇一嚇，咩都醒晒啦！但今套咩都無，只係成日見到間屋。所以問心，我真係“中”咗好多次眼瞓。如果係有張床，瞓 咗好耐，不過亦有可能我真係好攰既！
而另一個原因，我唸係角色，女主角好李心潔，所以張艾嘉一定搵佢啦！王耀慶都OK。佢次次都會係最突出嗰個。反而唔知係角色OR演繹問題，楊佑寧角色完全 係一個悶人咁！簡直唔想見到。而其他綠葉次次都好出。最記得瘦嗰個，上次扮大奶奶，或者皇后咁，扮女人已經攪笑。今次佢行出行入都好OK架！
雖然咁差，不過唔知完咗呢套之後，林奕華仲有咩劇呢！間中睇吓都OK。
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
