睇完日本日出，無理由唔去欣賞香港既日出。我相信香港睇日出，首選應該去鳯凰山。約咗很久既重陽登山日終於到來。
我哋約咗十點係深水埗地鐵站等，跟住揸車落去荃灣茶餐廳食番過宵夜。坐到十二點左右，就入東涌啦！係東涌除咗見到一間seven係營業之外，其他全部都關門，如果係度搵宵夜食，應該好難啦！
![]()
係呢度攪咗一輪，就搭的士去伯公坳開始起行啦！我哋啱啱開始起行，已經有另一班行山客落的士，相信山頂係超多人。
我哋1點49分開始起行，一路行樓梯上山，夜晚行山真係快好多，因為唔需要停步影相麻！我哋唔駛兩個鐘既時間，未到四點，就上到山頂。真係估唔到香港既山係咁矮，哈哈哈！同埋我哋一路行樓梯上山，都過咗幾多人，不過我唸佢哋唔係行慣山，因為又抽筋啊、又表現得好攰既樣！
![]()
|
|
依靠咗佢一晚，仲要企係佢上面睇日出，今日真係多謝佢!
|
6點20分先日出，仲有成兩個幾鐘，最好就係瞓吓。我哋都算早上到山，有一個幾好既有利位置，就係有舊石作依傍。跟住攞埋d膠枱布，蓆地而睡。其實舊石同
埋地下都好拮住，不過都好過無啦！但係最令到我哋瞓唔著，係有個男人不停大大聲講嘢！佢講咗兩個幾鐘，攪到我哋瞓唔著之餘，仲要聽晒佢自己d嘢！真係火
嚟！不過咁樣亦係一個好唔錯既落山話題。
今
日係山上，霧氣仍然好勁！所以汗水與霧水係身上混埋一齊！但係除咗件風褸吹下又會凍，所以死忍啦！而天空既霧氣間中都會有幾秒散去，就可以見到好多星星係
天空到。真係好多星星啊！越接近天光，溫度就越來越凍，攪到我要攞埋件褸著添！而carol就真係一個超熱超冷既人，佢凍到可以著埋perry
件衫，用埋頸巾、仲要成嗰面都用頂帽遮住，真係好誇！(呢個感覺真係似曾相識。)
![]()
|
|
咁漆黑既天空下，環境又超窄，但有幾多人去等日出!
|
去到接近6點鐘既時間就起身準備日出。睇住天係越來越光，不過d 霧氣係無散過。所以只係由黑變白。去到6點3，應該見到黃色既天空，不過都係咩都無白茫茫睇唔到。所以過咗日出時間，影埋嗰坐標，我哋就走啦！
![]()
|
|
呢張係唯一一張叫做影日出既相，只係見到雲層下有橙光，不過舜間即逝!
|
落山既路，全係高樓梯，呢d我係最憎，因為著得高踭鞋太高既我，膝頭已經唔好，仲要行落咁高既樓梯，真係傷膝到爆！所以我係行得好慢架！可能係咁，我哋落山都用咗成個幾鐘既時間，先出返心經簡林。
![]()
落山既路，開始見到藍天白雲，而且越來越熱。最後8點鐘我哋已經落到寶蓮寺。超靜無人點影相都得！跟住出返去昂平市集，之後搭的士出大澳！
去到大澳緊係醫肚啦！食完，我係一心想行山路遊一次大澳，點知嗰條路原來整咗幾年都未發展好，而係烈日下，我哋行行下都死咗咁！只係行到買蝦醬既地方就走啦！最後12點左右出返東涌。當然我唔會放棄行outlet 既機會！所以都行咗個幾鐘，係it買咗隻碟就返歸啦！
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
