下白泥日落

 下白泥日落

約咗4點半係太古城等！係唔識路既情況吓，多謝Ivy老公既GPS，都好順理去到！同埋以為今日會好厚雲，睇唔清嗰日落，點知好好天，真係睇到好靚好靚既日落啊！

第一眼望見嗰日落，只係想問點解香港真係有咁既地方睇到咁靚既日落。

唔止日落靚，其實啲雲一樣好靚，我好like 見到D雲好有層次，同埋做出一D好特別既圖案。

我哋5點9去到，天文台話日落時間係6點17分。所以仲有少少時間就日落啦！我哋繼續行前睇，呢個地方影相就真係靚，但係近睇就係一嗰被棄置既地方咁！有垃圾，又驚有蚊咬！不過山長水遠嚟到，都係專心影相啦！



我 哋影到6點4日落就走啦！因為趕住去食嘢麻！呢兩年入流浮山食嘢既指數真係高啦！今次去咗一間叫龍如，我哋食咗瀨屎蝦、蝦、扇貝、聖子、蜆、雞等。但係味 道麻麻。雖然食到好飽，不過我哋跟住仲去埋B仔涼粉食甜品！不過＄60蚊既B仔涼粉真係唔啱我， 佢同一個生果盤無分別，所以我另叫咗一個蜜瓜涼粉獨食，加埋糖不甩、腸粉真係飽到嘔。


維珍繼續揸車，車埋我哋一個個返屋企，今日既旅程真係開心。同埋好飽！剩係食兩餐都飽成咁，如果去澳門要食五餐都唔知點算！ 

感謝 vi老篤日記 提供以上資料

vi老篤日記的個人網誌: http://vivi-1212.blogspot.hk/