好啦！shopping 既時間到啦！陳慧敏要去築地，所以佢8點出門口，我就多謝佢叫醒我，令我可以9點鐘出門口！
![]()
我
既第一站係原宿，不過其實俾我想像中遲咗！同埋覺得再入明治神宮都無咩意義，所以放棄！我當然第一時間行去johnny's
事務所買嘢啦！去事務所買既嘢，由以前既木村、稻垣，之後既堂本剛，到而家既山下之久，我都俾咗唔少錢佢洗！今次仲要買龜梨和也俾阿珍啦！我唸我大約等咗
半個鐘，到十點開門就入得去啦！買咗幾張相出返嚟，我就沿表參道行去青山啦！不過去到青山都係太早啦！所以就出返青山通り食咗嗰早午餐，之後就全力搏殺。
係青山繼續買merchibeaucoup & Frapbios，跟住都有行過underground, A bathing
ape，不過d嘢唔係咁啱！
![]()
我
因為買嘢其實遲咗！最後約返per同carol 係1點鐘竹下通口！跟住我哋去 la foret，睇完就行咗去nike，因為全球第一間nike id
就係表參道！而呢度有好多跑步嘢，啱晒carol！但未買行山嘢未有所行動，所以我哋改咗行咗去Aigle，columbia &
northface
先！睇晒，買到既買到，買唔到既都無辦法！於是再去咗nike。之後行咗去原宿車站對面既行山用品舖頭！呢度我買咗對行山鞋同埋一個登富士山既水樽！
買晒行山嘢！之後沿竹下通入去裏原宿啦！per要買head porter，我睇完就唔係咁啱！而家既裏原宿都無其他特色舖頭啦！
出返表參道已經4點，carol 話per 要食嘢! 的確我無理過佢哋！所以佢哋兩個去食嘢先，我就繼續行明治通り後面嗰條街。我哋相約係呢條街尾等！不過我記錯咗嗰攀架係滑梯，俾佢哋串添！
係
呢度我又買到嘢啦！睇嚟我買嘢嗰刻真係咩都唔唸！香港冇，即take！平過香港又ok！所以真係買到窮！當然我仲行咗去F.I.L.，我真係好想買一個
visvim 既袋架！今次佢d色好齊啊！不過真係睇十次都唔會捨得買，五千幾蚊一個布包膠既袋，我唔係wyman，放棄佢吧！
跟住出返嚟就見到一條單車短褲都幾令我心動，不過咁普通都要萬三円，算吧啦！最後最想買係我like咗好耐既飛翼addidas鞋，不過我已經買咗對好誇既3葉鞋，無理由一次過買兩對咁誇既鞋，我都要扮吓沉實！所以算啦，當無見過啊！
我哋相約返之後，就行去涉谷啦！估唔到per 未試過咁行！而我最怕miss任何一間舖，明知有巴士啱路都唔會搭！去到涉谷，lumine men 館先，因為呢度有master piece 既袋埋，仲要係最齊！不過d 樣都係切合唔到我所需。
跟住繼續行去前面既0101，因為呢度有columbia，不過仍然唔係我想買嗰d，反而carol又買到nike鞋啦！跟住再入咗parco
3，買埋我要既A.I.C.
，我d嘢真係齊晒啦！所以終於可以幫我細佬搵FANCL啦！雖然FANCL都幾多，不過一搵真係唔知邊度會有，攪咗好耐去返涉谷站既tokyu先有！跟住
真係筋疲力竭，攞住d嘢返去酒店！
返到酒店陳慧敏已經係lobby等，我哋放底d嘢就出去歌舞伎町嗰邊行吓！因為呢邊先係新宿夜晚最旺既地區麻！行埋入去，我哋就係附近楝咗間食壽司既地方，雖然貴d，不過最後一日算啦！
食完我哋就過返去酒店嗰邊去唱k。當然呢個環節係for我啦！唔識日文，但係背歌熟到爆麻！不過8月既新真係唔熟啊！連山下智久都唔識添！所以只好唱返舊
少少嗰d啦，即係5至7月既歌啦！我100%肯定，我唱緊歌嗰時係冇理到佢哋任何一個，我只係望電視同埋歌書。係呢一刻我會唸起阿心，佢對我容忍真係大。
哈哈！我哋唱兩個鐘，又飲咗三杯啤酒啦！係俾房租同埋飲嘢放題既情況吓，我哋居然係唱咗17600円架！真係撞鬼！係語言不通既情況吓，我哋入去時已經一
直問幾多錢，佢話4400円，點知find out
係4400円一個人，真係火嚟！不過都無計啦！鬼叫已經唱完啦！早知慳d時間駛啦！不過感覺上好似俾舊年貴好多！唔知係唔係呢區相對靜d呢！
唱完出嚟都已經係3點幾，我哋居然搵唔返條路返酒店，好在有警察先生既幫手，搵得返條路！返到去，我哋沖完涼，執埋d嘢，仲未瞓。4個要飲埋支sake，同埋再睇相！今次旅行，我真係發覺notebook好緊要，而且想講mac book 真係好好用！
我哋睇相睇到天光，6點鐘先返房瞓！
估唔到全個行程既尾聲係無瞓覺！由富士山嗰晚大家瞓唔著，到我同陳慧敏要併搏，瞓得五個鐘，而最後嗰晚更加只係兩小時。估唔到瞓咁少都可以捱得住！
(左邊係我哋最後飲既sake，再一次証明平嘢無好，唔好飲既！連carol都飲剩咗啦！哈哈哈哈！)
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
