係個籠屋逗留咗五粒鐘，真係唔係點瞓得著，只係閉目養神，同埋勁睇錶睇吓係幾點。原先我哋唸住兩點起身行，不過門口出面越來越大聲，而且大家都瞓唔著，不如早d起身，Go Go Go 啦！
準備好晒行裝，應該係點半鐘左右出發。行到出門口，真係好多人啊！嘈到爆！上山既路，好似要排隊，一個一個上咁！好似行環島行咁！排隊上山，但又會有人係你隔離過嚟頭！不過呢條路好闊，無咁危險！
我哋由元祖屋起行，行咗半個鐘左右，就到咗本八合目，呢度已經係三千四百米啦！應該繼續行上頂要80分鐘。不過唔知係唔係空氣稀薄，好似心跳得好快，行一陣又要停底！當心跳平伏d 先繼續行。其實沿路都有d 日本人吸空氣，而我哋可能食咗紅景天，所以無事！
去到最一個民宿站 - 御來光館，大約係兩點八既時間。距離山頂應該仲有一個鐘左右！越來越接近啦！
未去到頂，係接近既地方(大約4點鐘左右)，回頭一望，天空已經開始有顏色，距離日出仲有一小時，光已經慢慢攻佔漆黑既夜空！
大約4點半，我哋上到山頂啦！係3776米既地方啊！
一
去到山頂，以為去咗一個市集，因為有一間間舖頭，買嘢食嘢飲，記念品等等！不過日出既時間就到，第一時間都係搵個靚位先！成個山頂其實都好多人！唔夠30
分鐘就日出，個個都去到最前，等住睇良晨美景啦！我哋嗰位都算幾ok，只係前面嗰兩個，唔到日出都唔企低d，又周身郁，攪到一開始d
相，要勁舉機避開晒佢哋！
過咗五點日出時間，其實天色已經光，不過真係未見太陽既出來。到5:08分，太陽出嚟，有一絲橙色，跟住仲播起歌嚟！我已經完全無留意到身邊既聲音，只係不停舉機影相，或者望住嗰太陽，甚至腳下既一片雲海。
當然我都望吓係下面既其他人，或者由唔同上山道行上山頂既人，個個為見日出，都會望住同一個方向，亦唔理自己係邊個位，係山頂，本八合目，甚至八合目。
左邊嗰系列既相係我最鐘意，見到一層層雲係太陽度，好靚好靚！
日出既時間其實好快，唔需要十分鐘，太陽已經好光，天色亦由金黃變為藍天白雲了。
睇完日出，我哋就入咗一間舖頭坐底飲個熱咖啡先，真係又舒服又暖又醒啊！抖咗3個字左右，去返一上嚟見到既頂上久須志神社嗰石柱影張相先啦！証明上咗嚟，同埋要攞張証書威威先得！影好相，就再為我哋支掍整個記號先，「富士山頂上，富士山奧宮」。
![]()
整埋之後，行咗去火山口望吓！之後就開始下山啦！一開始望到既雲海真係好靚！靚到好似係棉花咁，好想跳落去！
6點半，開始係呢度慢慢行落山啦！一開始都不以為意，上山條路要行9個鐘，落山只係3個鐘，應該好簡單，點知，落山既路全是沙石，我相信無論你對行山鞋幾勁，都會有可能跣倒！試問咁既路行幾粒鐘，你話！又再一次証明，上山容易落山難。
上山時支棍用嚟幫助企穩，估唔到落山更緊要，因為唔係真係好易跌倒。
你睇吓個個都要幾小心行。而且唸晒所有方法，側行又好、s形行都好，無一個方法係好！所以行行吓都算數啦！好在腳套發揮佢既公用，如果唔係我既膝頭痛死都似！
大約十點既時間，我哋終於行到去六合目嗰邊啦，膝頭好攰啊！終於行完嗰3個幾鐘沙石路啦！跟住就行返噚日六合目至五合目嗰段路！
去返五合目起點係11點3既時間，原來落山都差唔多係五個鐘既時間。
我哋又係嗰市集停咗一陣！跟住仲要行返去我哋停車既地方，係呢一刻覺得嗰2km 好遠啊，攰死！
跟
住真係要多謝per繼續揸車，我哋落咗去近富士急遊樂場既富士山溫泉！雖然中間行錯少少路，不過都搵到！最攪笑係入面原來好多行山團友，佢哋完咗富士山都
會嚟呢度浸溫泉，唔怪得知大家嗰樣熟口熟面！我哋沖晒涼，浸埋溫泉，換過晒d衫，跟住仲食埋嘢！好嘢！成個人都醒晒啦！http://www.fujiyamaonsen.jp/
好！
跟住就開始我另一個日本之旅目的 -
shopping！我安排既第一站係御殿場outlet！舊年係度買到嘢！今年一定要嚟啦！雖然得9個字時間，不過我已經鎖定目標！4個一齊睇咗行山嘢
先，包括Aigle & Northface，都無咩嘢啱！之後就分散睇，我即刻匆去Beams，買完一袋之後，跟住就搵嗰間有NeNet
& merchibeaucoup 既舖頭，買幾件短袖tee 先！跟住夠鐘走啦！
不過出東京真係好多車，時間已經好趕，仲要遇上塞車。好在去到還車既地方，遲咗半個鐘，佢都俾我哋還車，等埋我哋！不過我哋就要攞住d行季去返我哋既酒店，又要過西口、去南口咁！可況三個女仔已經唔止一個喼啦！攪到滿頭大汗，終於去到酒店啦！
