做好一齊既準備，預備上山啦！
當然時間尚早，我哋就係附近既湖游玩先。我哋住嗰個係河口湖，應該算最靚最大。我哋仲對住嗰湖放咗咁耐烟花添！
我哋首先駛去便利店買咗我哋需要既補給產品先啦！跟住就應該係經過西湖，然後再落咗野鳥之森公園。跟住我哋應該係停咗係精進湖影相。d 湖嗰個差唔多，真係唔敢肯定，不過睇路線，同埋估嗰湖既size，都應該啱！
又係度影咗一輪無聊相後。登山之旅終於開始。首先去五合目先。大約30幾公里就會到。不過沿路既指示已經話我哋知，五合目既車位已經滿咗！不過都無辦法，我哋都要繼續起程！今次旅途既目的就係要登上富士山麻！
上山既車路，真係感受到好多車。係過咗4合目，去到仲有2 km外既地方，發覺車都已經唔旭，咁啱附近又有車駛出，所以決定提早起行上山啦！
行咗一陣就去到旅客集中地五合目。呢度真係同街市無分別。多人多到嘔！我哋唸住食d嘢先，去到餐廳，見到未清理既碗碟攻佔整個櫃台，好恐怖啊！跟住仲要超full。好辛苦先搵到嗰位！
食嘢一d都唔平，無咩胃口都要食少少，所以揀咗件多士食！不過都係食咗一半！食完，就落返商店買枝木棍起行。點知係買緊木棍既時候，有電視台翻譯人員同carol 傾計，跟住仲做咗嗰幾分鐘既訪問，佢仲話8月28日會出街，我都好想睇吓！
(希望阿心幫到我啦！)
不過真係估唔到係日本都可以做到訪問！
好
啦！玩完一輪，起行！係五合目一開始起行，係一段好平既路。攪到有人係度講話咁簡單！的確一開始係比較簡單。二點三開始起行，行到六合目，係50分鐘之後
既事。呢度有一個安全指導中心。我哋停底又影咗d 相。不過行到呢到，天色唔係咁好。第一個講係陳慧敏，佢問係唔係行雷，我話大風 -
風聲姐，點知就勁大雨啦！要折返去安全中心。不過其實避唔到雨lor。攞咗件褸出嚟著，但係嗰背囊無雨罩，好嬲啊！
當
時都未係好大雨，所以就照行咗一陣。但係只係過咗一條斜路，雨繼續的下，唯有再避雨，不過都只係企係一個只可勉強遮到嗰頭既地方。我哋避咗十分鐘左右，有
嘗試照行架！不過真係起行唔到，等多一個字左右，見雨勢細咗少少，就唔理照去。但係落雨真係好煩，衫又濕，氣溫又凍咗！而我嗰心就超擔心我d寶貝相機啊、
iphone 會濕，攪到要放係一嗰好安全既位置。
繼續行，雨就係無咁大，但係天色仍然唔好。要行多9個字左右，先見到天空有返少少白雲。不過唔係長久，時有時冇。而行雷既聲亦會有。不過就會覺得d雷聲唔係係天上出，係你隔離咁！感覺又幾特別！
差唔多五點，終於去到七合目，第一個休息既地方 - 花小屋。係呢度望上去，好似每行一轉就會有間屋歇息。而天色，睇吓一半光，一半黑，想點！
係花小屋，本身可以為我哋枝棍蓋印，不過因為落雨濕咗！唔可以燒印添！好唔開心啊！不過都無計！
抖咗一陣，影吓相又繼續行，一個 Z 位，去到另一間日之出館。又係停吓影相，同d 雲既感覺就越嚟越近！
![]()
跟住開始行既路無之前咁闊咁平坦，而行山木棍真係發揮佢公用，支撐住行上去！有時除咗要用棍，手或者圍住既鐵鍊都要幫吓手！就係咁，我哋一個個休息館攻陷。有七合目既トモエ館、鎌岩館、富士一館。
去到鳥居莊，停得比較耐d，因為有嗰鳥居都真係幾特別，不過開始日落feel 啦！因為時間已經係六點鐘！距離我哋既元祖室，應該仲有成個幾鐘既路程！
![]()
繼續行行行，呢段路開始比較崎嶇，同埋要爭取時間，所以無咩點影相，不過如果可以，都會停底抖抖！
行多咗一個鐘左右，終於去到八合目既太子館。呢度係3100m 啊！行到山頂仲要3粒鐘啊！
呢張相我真係超鐘意，除咗記錄咗我哋行咗五個鐘，又記底而家係3100m 既高空。而落霞既雲境更加一絶！再睇，d雲已經係我哋腳下啦！真係好靚、好靚，畢生難忘！好！仲有好快既路程應該會到我哋住宿既地方啦！繼續行，過咗蓬萊館、白雲莊，下一站係元祖屋啦！
大約8點3既時間去到元祖屋！入去講咗嗰名(我之前book咗，所以佢有record)，跟住佢要我哋放底行李，攪咗一陣，就帶我哋去床位啦！真係一個床位，俾籠屋更慘！兩個人得一張被。轉身都會掂到隔離。而一嗰好細既area，住咗幾十人。
幾十人共處一室，咩鼻鼾聲都聽到晒啦！睇嚟我都係唔駛點瞓！
放好行裝，就落返去食晚餐，晚餐係一個咖喱汁飯加一條腸。雖然唔係豐富，應該係普通到爆，同食杯麵無分別，不過係行咗6個鐘，又濕又凍既情況下，有瓦遮頭仲有嘢食，真係滿足到爆！食完我哋出咗門口影咗幾張相，就返去籠屋瞓覺。
不過係籠屋真係好難瞓得著。首先我勁唔慣仰臥，二來又熱又凍，都唔知想點。最後嗰d鼻鼾聲，此起彼落。點會瞓到！我相信我只係瞓咗半個鐘至一個鐘。而後來
更加係擔心我d衫唔乾多d。因為我成個背囊都濕晒！條頸巾同毛巾無分別。唔知想點！而長袖衛衣濕咗都要照著啦！唔係無衫添！
講返一個小插曲，唔知行到幾時，我哋由4個人變咗5個。佢係嚟自澳洲既 Elizabeth，佢居然一個人嚟行山。我哋進度又差唔多，所以一齊行啦！仲一齊係元祖屋住添！之後仲一齊上山添！
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
