浸完溫泉就去食早餐，今日嗰早餐都幾豐富，不過問心真係無咩胃口，只係好想飲水。
今日有我最like 既飯做早餐架！哈哈哈哈！
食埋早餐，我哋又起程。今日其實冇咩景點，只係坐車坐車坐車、駕車駕車駕車。因為我哋要離開中部啦！去返關東地區。車程快極都要4個幾鐘，再要停吓、抖吓、食嘢！最後應該係6個幾鐘！
其
實車程一開始，大家都有d呆。兩位辛苦揸車既 - 唔該晒！令到我可以係車度寫blog，不過唔係寫咗好耐，當我發現cd
已經repeat第三次，真係忍唔住。所以我就係度不停搵d大家會識既歌。攪到我自己都覺得暈車浪。抖咗一陣，燒緊碟中，佢哋話係嗰大站食嘢啦！睇吓錶，
又的確發現時間唔早。
呢個站真係幾大，又多嘢買，飯堂又大。不過胃口仍然麻麻。食咗個最cheap既咖哩飯。
係呢度見到有花火賣，我就提議不如買d 今晚玩。所以我哋揀咗d 烟花。離開呢度，食完嘢醒咗！換埋歌再醒！所以好輕鬆咁行埋餘下既車程。
我哋大約4點到我哋住既民宿。放底晒嘢就係附近行吓。因為6點就要食飯啦！一路行，係度尋覓富士山。終於好努力咁搵到。不過濛到爆，睇唔清！如果唔係應該影到好似一千円咁既風景。
|
|
| 幾細同幾遠既富士山，唔講真係搵唔到！(係中間較左位置) |
食飯，又係燒肉。好自然又要啤酒啦！呢幾日真係啤酒不離手，仲要唔止一杯，真係未試過咁激。
食完飯，我哋就出去玩花火。繼噚日狂影無聊相，今日花火亦唔例外。買咗三千円左右既烟花，玩咗兩個幾鐘。仲要影咗千幾張相。癲晒！不過影夜晚，仲要嗰人係咁旭。真係唔係好多張睇得真嗰樣！當然仲要避開d 煙啦！
我同carol 又係發癲既時間，d相再睇，都係嗰句，超級無聊！只有狂笑同埋自己睇返都想嘔啊！嘩哈哈哈！
